கோதுமை  ரவை மிளகு பொங்கல் (wheat rava pepper pongal)

கோதுமை ரவையை வெறும் வாணலில் போட்டு வாசம் வரும் வரை வறுத்து, தண்ணீர் சேர்த்து வேக வைத்துக் கொள்ளவும்.

பாசிப்பருப்பை, தனியாக வேக வைத்து, வெந்த கோதுமை ரவையுடன், உப்பு சேர்த்து நன்கு கிளறவும்.

வேறு வாணலியில் சிறிது நெய் விட்டு சீரகம், மிளகு, பொடியாக நறுக்கி வைத்துள்ள இஞ்சி, பச்சை மிளகாய், கறிவேப்பிலை சேர்த்து வறுத்து, கோதுமை, பாசிப்பருப்பு கலவையில் கலந்து, மேலும் கொஞ்சம் நெய் சேர்த்து கலந்து இறக்கவும்.

இந்த முறையிலும் முயற்சிக்கவும். மிகவும் சுலபம். பாசிப்பருப்பை இரண்டு கப் தண்ணீர் சேர்த்து வேகவைத்து, பருப்பு வெந்தவுடன், அதில் நான்கு கப் கொதிக்கும் தண்ணீர் சேர்த்து, வறுத்த ரவை, உப்பு சேர்த்து தாளிப்பு சேர்த்து, மூடி ஐந்து நிமிடங்கள் வைத்தால், தண்ணீர் வற்றி, பொங்கல் தயாராகிவிடும். கொஞ்சம் நெய் சேர்த்து இறக்கிவிடலாம். ரவை மிக விரைவில் வெந்துவிடும்.