முட்டை மிளகு கிரேவி

முட்டையை வேக வைத்து தோல் உரித்து வைத்து கொள்ளவும்.மிக்ஸியில் தேங்காய், மிளகு, சீரகம்,1ஸ்பூன் சோம்பு சேர்த்து அரைத்து எடுக்கவும்.

வானலில் எண்ணெய் ஊற்றி காய்ந்ததும் சோம்பு தாளித்து வெங்காயம், பச்சை மிளகாய், கறிவேப்பிலை சேர்த்து வதக்கவும்.இஞ்சி பூண்டு விழுது சேர்த்து பச்சை வாசனை போக வதக்கவும்.

பிறகு தக்காளி, மஞ்சள் தூள், உப்பு சேர்த்து நன்கு மசித்து வதக்கி மல்லி தூள்,சீரக தூள், மிளகு தூள் சேர்த்து வதக்கவும்.

பிறகு அரைத்த தேங்காய் பேஸ்ட் சேர்த்து தேவையான அளவு தண்ணீர் ஊற்றி கலந்து விட்டு உப்பு, காரம் சரிபார்த்து கொள்ளவும். இதில் கரமசாலா சேர்த்து கொதிக்க விடவும்.

பிறகு வேக வைத்த முட்டையை இதில் சேர்த்து கலந்து விட்டு மூடி போட்டு 2 நிமிடம் கொதிக்க விட்டு கடைசியில் கொத்தமல்லி இலை தூவி இறக்கவும். சூப்பரான முட்டை மிளகு கிரேவி தயார். நன்றி