ராகி கொழுக்கட்டை (Ragi Kozhukattai recipe in Tamil)

ஒரு கடாயில் தண்ணீர் ஊற்றி கொதி வந்ததும் ராகி மாவு சேர்த்து சிறிது கிளறி விடவும் அடுப்பை அணைத்து அரிசி மாவு மற்றும் தேவையான அளவு உப்பு சேர்த்து கிளறி தட்டு போட்டு 5 நிமிடம் மூடி வைக்கவும்.

சிறிது ஆறியதும் சிறிது எண்ணெய் ஊற்றி சப்பாத்தி மாவு பதத்திற்கு நன்கு பிசைந்து கொள்ளவும். பூரணம் செய்வதற்கு:- தேங்காய்த் துருவல் மற்றும் நாட்டு சர்க்கரை ஏலக்காய்த்தூள் சேர்த்து கிளறிக் கொள்ளவும்.

பிசைந்து வைத்துள்ள மாவை சிறு உருண்டைகளாக உருட்டி வட்டமாக தட்டி நடுவில் பூரணத்தை வைத்து கொழுக்கட்டையாக செய்து கொள்ளவும் அல்லது
அச்சு இருந்தால் அச்சில் உள்ளே ராகி மாவை வைத்து அதனுள் பூரணத்தை வைத்து கொழுக்கட்டைகளாக செய்து கொள்ளவும். (படத்தில் காட்டியவாறு செய்து கொள்ளவும்.)

ஒரு கடாயில் தண்ணீர் ஊற்றி இட்லி தட்டை வைத்து அதன் மேல் துணி விரித்து செய்துள்ள கொழுக்கட்டைகளை வைத்து மூடி வைத்து 5 முதல் 8 நிமிடங்கள் வேகவைத்து எடுத்தால் சுவையான மற்றும் சத்தான ராகி கொழுக்கட்டை தயார்.