காஜு கட்லி, முந்திரி கேக், முந்திரி பர்ஃபி (Kaju katli recipe in tamil)

முதலில் ஒருகப் முந்திரியை மிக்ஸி ஜாரில் சேர்த்து நன்றாக பொடியாக செய்து கொள்ள வேண்டும்

ஒரு கடாயில் ஒரு கப் சர்க்கரை சேர்த்து அதனுள் முக்கால் கப் தண்ணீர் சேர்த்து சர்க்கரை நன்றாக கரையும் வரை கிளறி விட வேண்டும்.

சர்க்கரை கரைந்தவுடன் கொதி வரும் வரை காத்திருக்கவும். சர்க்கரை பாகு நன்றாக கொதிக்கும் பொழுது அதனுள் ஏலக்காய்தூள் ஒரு டேபிள்ஸ்பூன் சேர்த்து அரைத்த முந்திரி பவுடரை அதனுள் சேர்த்து கட்டிகள் இல்லாமல் கிளறவேண்டும்.

5 நிமிடத்திற்கு ஒருமுறை ஒரு டேபிள்ஸ்பூன் நெய் சேர்த்து கிளறி விட வேண்டும்

எப்பொழுது பாகு சட்டியில் ஒட்டாமல் வருகின்றதோ மாவை போல் உருண்டு வருகின்றதோ அதுதான் சரியான பதம் ஆகும்.

அப்பொழுது ஒரு பட்டர் பேப்பர் அல்லது ஒரு ப்ளாஸ்டிக் கவரின் மேல் ஒரு டேபிள் ஸ்பூன் நெய் ஊற்றி தடவி விட்டு அதன் மேல் உருட்டி வைத்த மாவை முந்திரி மாவை சேர்த்து அதன் மேல் ஒரு பட்டர் பேப்பர் அல்லது பிளாஸ்டிக் அவரை வைத்து தட்டையாக தேய்த்துக் கொள்ள வேண்டும்.

நமக்கு எந்த அளவு திக்னஸ் அல்லது சைஸ் வேண்டுமோ அந்த அளவு மாவை தட்டையாக தேய்த்துக் கொள்ளலாம் அதற்கு முன்னால் நமக்கு உகந்த வடிவத்தில் அதை கட் செய்து கொள்ளலாம்.

ஆறியவுடன் நம்மளுடைய சுவையான காஜு கட்லி அல்லது முந்திரி கேக் தயாராகிவிட்டது அனைவரும் செய்து சுவைத்துப் பாருங்கள் நன்றாக இருந்தால் எனக்கு மறக்காமல் பகிரவும்.