நாட்டு கொத்தமல்லி சட்னி

முதலில் நாட்டுகொத்தமல்லி ஒரு கட்டை கழுவி சுத்தம் செய்து பொடியாக நறுக்கி கொள்ளவும்

பிறகு அடுப்பில் ஒரு கடாயில் சிறிது நல்லெண்ணெய் விட்டு அதில் இரண்டு தேக்கரண்டியளவு உளுந்து மற்றும் ஒரு தேக்கரண்டியளவு கல்லப்பருப்பு சேர்த்து நன்கு வதக்கவும்.இதற்கு கருப்பு உளுந்து சேர்த்து செய்தால் மிகவும் நல்லது.

பருப்பு வறுபட்டதும் அதில் 20 அளவு சிறிய வெங்காயம்,10 அளவு நாட்டுபூண்டு பற்கள் மற்றும் சிறிய துண்டு இஞ்சி சேர்க்கவும்

மேலும் அத்துடன் ஒரு தக்காளி, 5 அளவு காய்ந்த மிளகாய் சேர்த்து நன்கு வதக்கவும்.

பிறகு அதில் நாம் சுத்தம் செய்து நறுக்கி வைத்துள்ள கொத்தமல்லி இலைகளை சேர்த்து ஒரு நிமிடம் மட்டும் பிரட்டி விடவும்.அதன் பச்சை தன்மை மாறாமல் இருக்க வேண்டும்.

பின்னர் அடுப்பை அணைத்து ஆற வைத்து அதற்கு தேவையான அளவு உப்பு சேர்த்து மிக்ஸியில் போட்டு அரைத்து எடுக்கவும்.இதை அரைக்கும் போது முடிந்த வரை தண்ணீர் சேர்க்காமல், அந்த வெங்காயம் மற்றும் தக்காளியில் உள்ள ஈரப்பதத்திலேயே அரைத்து எடுக்கவும்.