கொத்தமல்லி கொழுக்கட்டை

மிக்ஸி ஜாரில் கொத்தமல்லி தழை ஒரு கப், ஒரு மூடி துருவிய தேங்காய் மிக சிறிதளவு புளி 5 பச்சை மிளகாய் உப்பு சிறு துண்டு இஞ்சி சேர்த்து நைசாக அரைக்கவும். இட்லி ரவை ஒரு ஆழாக்கு எடுத்து வைக்கவும்.வாணலியில் ஒரு குழிக்கரண்டி எண்ணெய் விட்டு கடுகு உளுந்து, 2 வர மிளகாய்,கிள்ளிப்போட்டு பெருங்காயத்தூள்,கறிவேப்பிலை, சேர்த்து தாளிக்கவும்.

அரைத்த விழுதை சேர்த்து இரண்டு நிமிடம் வதக்கி, இரண்டரை ஆழாக்கு தண்ணீர் சேர்த்து கொதிக்கவிடவும். தண்ணீர் கொதித்ததும் அடுப்பை சிம்மில் வைத்து இட்லி ரவையை தூவிக் கிளறி விடவும். சிறிது நேரம் மூடி வைக்கவும் ஐந்து நிமிடத்தில் மாவு பதமாக கொழுக்கட்டை பிடிக்கும் அளவிற்கு வெந்துவிடும். உப்பு சரி பார்க்கவும்.எண்ணெய் குறைவாக இருந்தால் இரண்டு ஸ்பூன் எண்ணெய் விட்டு நன்கு கலந்து விட்டு கொழுக்கட்டை பிடித்து இட்லி பானையில் ஆவியில் வைத்து 8 நிமிடம் வேக விடவும்.

சுவையான கொத்தமல்லி கொழுக்கட்டை தயார்.பொட்டுக்கடலை தேங்காய் சட்னியுடன் பரிமாறவும். நீங்களும் செய்து பாருங்கள்.