முருங்கைக்கீரை அடை தோசை

அரிசி மற்றும் பருப்பு மூன்று முறை கழுவி தண்ணீர் ஊற்றி இரண்டு மணி நேரம் ஊற வைக்க வேண்டும்

பிறகு மிக்ஸியில் அரை அரிசி பருப்பை போட்டு மிளகாய் பூண்டு சோம்பு சேர்த்து கொரகொரப்பாக அரைத்தெடுக்கவும் தேவையான அளவு உப்பை அரிசி அரைக்கும் போது சேர்த்து விடவும்

அடுப்பில் கடாயை வைத்து சமையல் எண்ணெய் ஊற்றி சோம்பு சீரகம் வெள்ளை உளுந்து தாளித்து கருவேப்பிலை வெங்காயம் சேர்த்து வதக்கி பெருங்காயத்தூள் சேர்த்து வெங்காயம் வதங்கியதும் அரைத்த மாவில் சேர்க்கவும்

மஞ்சத்தூள் முருங்கைக்கீரை தேங்காய் துருவல் மாவில் சேர்த்து நன்றாக கலந்து விட்டு மாவை தோசை மாவு பதத்திற்கு தேவையான தண்ணீர் சேர்த்து கலந்து விடவும் உப்பு தேவைப்பட்டால் போட்டு கலக்கவும்

அடுப்பில் தவாவை வைத்து மாவை தோசையாக ஊற்றி சுற்றிலும் எண்ணெய் ஊற்றி நடுவிலும் 2 ஸ்பூன் நல்லெண்ணெய் ஊற்றி இரண்டு புறமும் திருப்பிப் போட்டு நன்றாக வேக விட்டு முறுகலாக எடுக்கவும் முருங்கைக்கீரை அடை தோசை தேங்காய் சட்னியுடன் பரிமாறவும்