ராகி முருங்கைக்கீரை அடை

முருங்கைக் கீரையை ஆய்ந்து சுத்தம் பண்ணி தண்ணீர் ஊற்றி கழுவிட்டு எடுத்துக் கொள்ளவும்.

அடுப்பில் ஒரு கடாயை வைத்து எண்ணெய் ஊற்றி எண்ணெய் சூடானதும் பொடியாக நறுக்கிய பச்சைமிளகாய் போட்டு தாளிக்கவும்.பிறகு பொடியாக நறுக்கிய வெங்காயத்தை போட்டு வதக்கவும்.அடுப்பை மிதமான தீயில் வைத்து வதக்கவும்.

வெங்காயம் நன்கு வதங்கியதும் சுத்தம் செய்த முருங்கைக்கீரை அதில் போட்டு அரை டம்ளர் தண்ணீர் ஊற்றி ஒரு நிமிடம் வதக்கவும்.தண்ணீர் சுண்டி கீரை நன்கு வதங்கியதும் அடுப்பை நிறுத்தவும்.

ஒரு பாத்திரத்தில் ராகி மாவை எடுத்துக் கொள்ளவும்.தேவையான அளவு உப்பு போடவும்.

பிறகு அதில் வதக்கிய கீரையை சேர்க்கவும்.பிறகு தண்ணீர் தெளித்து தெளித்து அடை மாவு பதத்திற்கு கெட்டியாக பிசைந்து கொள்ளவும்.

பிறகு சிறு உருண்டைகளாக உருட்டி ஒரு காகித கவரில் எண்ணெய் தடவிட்டு அந்த உருண்டைகளை வைத்து அடைகளாக கையால் தட்டவும்.பிறகு அடுப்பில் ஒரு தோசைக்கல்லை வைத்து சூடானதும் தட்டி வைத்த ராகி அடைகளை போடவும்.

அடையை சுற்றி நல்லெண்ணெய் விட்டு திருப்பி திருப்பி போட்டு வெந்ததும் சூடாக பரிமாறவும்.