வேர்க்கடலை சட்னி அல்லது நிலக்கடலை சட்னி

முதலில் 250 கிராம் நிலக்கடலையை கலர் மாறும் வரை வறுத்துக் கொள்ள வேண்டும். நிலக்கடலை கருகாமல் வறுத்து கொள்ள வேண்டும்.

வறுத்த பிறகு நிலக்கடலையை ஐந்து நிமிடம் ஆற வைத்துக் கொள்ளவும்.ஆறின பிறகு நிலக்கடலையின் மேலே உள்ள தோலை கைகளால் நசுக்கி விடவும். கைகளால் நசுக்கினால் நிலக்கடலையில் உள்ள தோல்கள் பிரிந்து வரும்.

பின்னர் ஒரு கடாயில் எண்ணெய் 2 ஸ்பூன் ஊற்றி கொள்ளவும்.எண்ணெய் காய்ந்ததும் உளுத்தம் பருப்பு 2 ஸ்பூன், கொத்தமல்லி விதை அரை ஸ்பூன் சேர்த்து நன்கு வதக்கி விடவும்

வதங்கிய பிறகு ஐந்து வரமிளகாய்,சிறிதளவு கறிவேப்பிலை, ஒரு சின்ன சைஸ் புளி சேர்த்து நன்கு வதக்கிக் கொள்ளவும்.

அடுத்து அது கூடவே 50 கிராம் சின்ன வெங்காயம், 5 பல் பூண்டு,பொடியாக நறுக்கிய 2 தக்காளி, சிறிதளவு உப்பு சேர்த்து, தக்காளியை நன்கு மைய வதங்கும் வரை வதக்கி கொள்ள வேண்டும்.

வதக்கிய பிறகு அடுப்பை அணைத்து,அதை ஐந்து நிமிடம் ஆற வைத்துக் கொள்ளவும். ஆறிய பிறகு ஒரு மிக்ஸி ஜாரில் முதலில் ஆறிய நிலக்கடலையை போட்டு இரண்டு சுற்று விட்டு விட்டு அரைக்க வேண்டும்.

அரைத்த பிறகு அதில் ஆற வைத்த தக்காளி வெங்காயத்தை போட்டு சிறிதளவு தண்ணீர் ஊற்றி நன்கு அரைத்துக் கொள்ள வேண்டும்.

அவ்வளவுதான் நம்மளுடைய நிலக்கடலை சட்னி தயார் இந்த சட்னிக்கு தோசை இட்லி சாதத்தை விட பணியாரத்துக்கு ரொம்ப நல்ல சுவையாக இருக்கும். பணியாரம் என்றால் சட்னியை ரொம்ப தண்ணீர் போல் கலந்து கொண்டு பிறகு பரிமாறவும்.