ஹார்ட் சிக்கன் நங்கட்ஸ்

முதலில் பிரெட் கிரம்ஸ் செய்ய3 பிரட் துண்டுகளை எடுத்து சிறிய துண்டுகளாக வெட்டி சிகப்பு ஃபுட் கலர் சேர்த்து மிக்ஸி ஜாரில் போட்டு பொடி செய்து கொள்ளவும்.

அடுப்பில் ஒரு கடாயை வைத்து சூடானதும் பொடித்த பிரட் தூளை போட்டு நன்றாக வறுக்கவும். இப்போது பிரெட் கிரம்ஸ் ரெடி.

பிறகு ஒரு மிக்ஸி ஜாரில் இரண்டு பிரட்,சிக்கன் (ஈரமில்லாமல்), மிளகுதூள், சில்லி ஃப்ளேக்ஸ்,ஒரிகநோ உப்பு அனைத்தையும் சேர்த்து நன்றாக அரைத்துக் கொள்ளவும். அரைத்த பேஸ்டை சப்பாத்தி கட்டையில் போட்டு எண்ணெய் தடவி உருட்டிக் கொள்ளவும்.

பிறகு எந்த வடிவத்தில் வேண்டுமோ அதுபோல் வெட்டி எடுத்துக் கொள்ளவும்.

பிறகு 3 டேபிள்ஸ்பூன் கார்ன்ஃப்ளார், மிளகுத்தூள்,உப்பு,தண்ணீர் சேர்த்து நன்றாக கரைத்துக் கொள்ளவும். வெட்டி வைத்த சிக்கனை எடுத்து கார்ன்ஃப்ளாரில் டிப் செய்து பிரெட் கிரம்ஸ் போட்டு பிரட்டி எடுத்துக் கொள்ளவும். இதேபோல் இரண்டு கோட்டிங் கொடுத்து கொள்ளவும்.

அரை மணி நேரம் ஃப்ரீஸரில் வைத்து அதன் பின் பொரித்து எடுக்கலாம்.