கத்திரிக்காய் நிலக்கடலை கார குழம்பு

அரைக்க தேவையான பொருட்களைத் தயாராக எடுத்துக் கொள்ளவும். புளியை ஊறவைத்து கொள்ளவும்.

நிலக்கடலையை எட்டு மணி நேரம் ஊறவைத்து குக்கரில் 6 விசில் விட்டு வேக வைத்து எடுத்துக் கொள்ளவும். கத்திரிக்காய் தக்காளி இவற்றை நறுக்கி எடுத்துக் கொள்ளவும்

தனியா சீரகம் கடலைப்பருப்பு மிளகு சோம்பு பட்டை கிராம்பு பூண்டு இவற்றை முதலில் தேங்காயுடன் சேர்த்து மிக்ஸியில் அரைத்து கொள்ளவும். பிறகு இதனுடன் வெங்காயம் தக்காளியை சேர்த்து தண்ணீர் விட்டு மைய அரைத்துக்கொள்ளவும்

குக்கரை அடுப்பில் வைத்து 2 டேபிள்ஸ்பூன் நல்லெண்ணெய் விட்டு கடுகு வெந்தயம் கறிவேப்பிலை தக்காளி கத்திரிக்காய் இவற்றைச் சேர்த்து நன்கு வதக்கவும் பிறகு வேகவைத்த வேர்க்கடலை சேர்க்கவும்

அரைத்து வைத்துள்ள விழுதைச் சேர்த்து புளி கரைசலை சேர்த்து தேவையான அளவு உப்பு போட்டு மஞ்சள் தூள் சேர்த்து குக்கரை மூடி ஒரு விசில் விட்டு இறக்கவும். கடைசியில் ஒரு ஸ்பூன் வெல்லம் சேர்த்து கலந்து விடவும்