*மில்லட், ரோஸ்டர்டு கோக்கனட் ஹல்வா*(millet halwa recipe in tamil)

தேவையான பொருட்களை எடுத்து வைத்துக் கொள்ளவும்.தேங்காயை துருவிக் கொள்ளவும்.

அடுப்பை மிதமான தீயில் வைத்து வெறும் கடாயில், மாவை நன்கு கருகாமல் வறுத்து, பௌலில் போடவும்.

அடுப்பை சிறு தீயில் வைத்து, கடாயில் 1 ஸ்பூன் நெய் விட்டு சூடானதும், முந்திரியை வறுத்து மாவில் சேர்க்கவும்.

அடுப்பை சிறு தீயில் வைத்து கடாயில், நாட்டுச் சர்க்கரை, உப்பு, தேவையான தண்ணீர் சேர்த்து,கரையும் வரை கொதித்ததும், அடுப்பை நிறுத்தி விடவும்.

பிறகு ஆறினதும், நன்கு வடிகட்டி, கொஞ்சம் கொஞ்சமாக மாவில் சேர்க்கவும்.

மாவில் 1ஸ்பூன் நெய் சேர்த்து நன்கு கலந்துக் கொள்ளவும்.

அடுப்பை சிறு தீயில் வைத்து கடாயில் 1 ஸ்பூன் நெய் விட்டு சூடானதும், துருவிய தேங்காயை கருகாமல் நன்கு வறுக்கவும்.

வறுத்த தேங்காயை மாவில் சேர்த்து நன்கு கலந்துக் கொள்ளவும்.

அடுப்பை மிதமான தீயில் வைத்து, கடாயில் நெய் 4 டேபிள் ஸ்பூன் விட்டு சூடானதும், கலந்த மாவை போட்டு, ஒட்டாமல் ஹல்வா பதத்திற்கு வந்ததும் அடுப்பை நிறுத்தி விடவும்.

குறிப்பு:- நாட்டுச் சர்க்கரை, வறுத்த தேங்காய் துருவல் சேர்ப்பதால், கூடுதல் சுவையும், ஆரோக்கியமும், கிடைக்கின்றது.