தக்காளி மசாலா மினி கொழுக்கட்டை

ஒரு அடி கனமான கடாயில் 1 கப் தண்ணீர் ஊற்றி அது நன்கு கொதித்தவுடன் 1 1/4 கப் தக்காளி சாறு, 1 1/2 டீஸ்பூன் உப்பு, நல்லெண்ணெய், சீரகம்-சோம்பு பொடி, பெருங்காயத்தூள் ஆகியவற்றை சேர்த்து நன்கு கலக்கவும்.

அதோடு ஊறவைத்த பாசிப்பருப்பு, வெள்ளை எள், 1 1/2 டீஸ்பூன் மிளகாய்த்தூளையும் கலந்து, இடியாப்ப மாவைக் கட்டியின்றி நன்கு கிளறி ஒரு தட்டால் மூடி சிறு தீயில் 5 நிமிடம் வேகவிடவும்.

பிறகு அடுப்பை அணைத்து மாவை கை பொறுக்கும் சூடு வரும்வரை ஆறவிடவும். பிறகு மாவு நன்கு மிருதுவாகும்வரை பிசையவும்.

பிசைந்த மாவை சிறு சிறு கோலிகளாக உருட்டி இட்லித் தட்டில் எண்ணெய்தடவி உருண்டைகளைப் பரத்தி நன்கு வேகவைத்து ஆறவிடவும்.

மற்றொரு கடாயில் எண்ணெய் ஊற்றி கடுகு, உளுத்தம்பருப்பு, சீரகம், கறிவேப்பிலை தாளித்து மீதமுள்ள மிளகாய்த்தூள், உப்பு, மஞ்சள்தூள் ஆகியவற்றைக் கலந்து அதனுடன் ஆறிய உருண்டைகளைப் போட்டு மெதுவாகக் கிளறி விடவும். நறுக்கிய கொத்தமல்லித்தழை மற்றும் எலுமிச்சம்பழச்சாறு இரண்டையும் கலந்து பறிமாறவும்