ரவா மசாலா தோசை

மாவிற்கு:ஒரு பவுலில் ரவை,அரிசி மாவு,உப்பு சேர்த்து கலக்கவும்.

பொடியாக நறுக்கிய இஞ்சி,பச்சை மிளகாய்,கொத்தமல்லித்தழை மற்றும் தயிர் சேர்த்து கலக்கவும்.

கொஞ்சம் தண்ணீர் சேர்த்து கலக்கவும்.

தேவையான அளவு தண்ணீர் சேர்த்து திக்காக கரைக்கவும்.

10 நிமிடங்கள் அப்படியே விட்டு விடவும்.

பில்லிங்:ஒரு கடாயில் எண்ணெய் ஊற்றி சூடானதும் கடுகு,உழுந்தபருப்பு,கடலை பருப்பு சேர்த்து தாளிக்கவும்.

கடுகு பொறிந்ததும் அதில் வெங்காயம்,பச்சை மிளகாய்,இஞ்சி,கறிவேப்பிலை சேர்த்து வதக்கவும்.

அதில் மஞ்சள் தூள்,உப்பு சேர்க்கவும்.

பொடியாக நறுக்கிய வெங்காயம்,துருவிய கேரட் சேர்த்து 5 நிமிடம் குறைந்த தீயில் வைத்து வேக விடவும்.

பிறகு அதில் மசித்த உருளைக்கிழங்கு சேர்த்து 5 நிமிடம் வேகவிடவும்.

கொத்தமல்லித்தழை தூவி அடுப்பை அணைத்து விடவும்.

தோசைக்கு:10 நிமிடம் ஊறிய மாவை எடுத்து தண்ணீர் சேர்த்து கரைக்கவும்(தண்ணயாக)

தோசைக்கல்லை சூடாக்கி,தோசைக்கல் முழுவதும் மாவினை ஊற்றவும்.(மாவினை தேய்க்ககூடாது)

பொடியாக நறுக்கிய வெங்காயத்தை மேலே தூவி நெய் ஊற்றவும்.

தோசை கிரிஸ்பியாக ஆனதும்,அதன் மீது மசித்த உருளைக்கிழங்கை வைக்கவும்(நடுவில்)

ஒரங்களை மடக்கி எடுத்து தட்டில் எடுத்து வைக்கவும்.

ஒவ்வொரு முறையும் மாவினை கலந்து விட்டு சுடவும்.