સૌપ્રથમ ચણાની દાળને ધોઈ ની ત્રણ સીટી વગાડી ને બાફી લો ત્યારબાદ તેને કટરમાં ક્રશ કરી લો.

ત્યારબાદ તેને બાઉલમાં કાઢી લો. ત્યારબાદ તેમાં વરિયાળી,તલ, મરચું,હળદર,ધાણાજીરું,ગરમ મસાલો, ટોપરાની છીણ, બુરૂ ખાંડ, લીંબુનો રસ અને સ્વાદ અનુસાર મીઠુ ઉમેરીને બધું બરાબર મિક્સ કરી લો.

હવે બાઉલમાં ઘઉંનો લોટ તેલ મીઠું અને લીંબુનો રસ ઉમેરી રોટલી જેવો લોટ બાંધી લો અને દસ મિનિટ માટે રહેવા દો. હવે લોટના લૂઆ કરી લો. તેની નાની રોટલી વણો તેવી જ રીતે બીજી રોટલી વણો હવે રોટલી ઉપર તેલ અને લોટ ભભરાવી વણેલી રોટલી મૂકી ઉપર લોટ ભભરાવી મોટી રોટલી વણી લો અને તવી ઉપર બે બાજુ શેકી લો.

હવે રોટલી ને હાથ મા લઈ બે પડ અલગ કરી લો. આ રીતે બધી રોટલીઓ કરી લો.હવે એક રોટલી લો તેની વચ્ચેથી બે કાપા પાડીને ત્રણ પટ્ટી કરો. હવે એક પટ્ટી લઈ સમોસા વારી લો.

આ રીતે બધા સમોસા વારી લો હવે એક કડાઈમાં તેલ ગરમ કરવા મુકો તેલ ગરમ થાય એટલે તેને ધીમા તાપે તળી લો આપણા ચણાની દાળના સમોસા તૈયાર છે. તેને ચણાની દાળની ચટણી સાથે સર્વ કર્યા છે.