प्रथम चिरलेल्या मेथीला मीठ लावून ठेवा,व पिळून चांगली धुवून घ्या. म्हणजे मेथीचा कडूपणा कमी होतो.तुरीची डाळ स्वच्छ धुवून पाणी घालून एक तास भिजवून ठेवा. एक तासा नंतर हळद, हिंग घालून कुकर मध्ये शिजवून घ्यावी. नंतर तेलावर हिंग, मोहरी यांची फोडणी करून बारीक चिरलेला कांदा घालून परतून घ्या, मग त्यावर बारीक चिरलेली मेथी टाका. मेथी शिजल्यावर शिजलेली डाळ घोटून चवीप्रमाणे तिखट,मीठ, चींचेचा कोळ घाला. व आमटी चांगली उकळूण घ्या.

मेथी बाटीची कृती बारीक चिरलेलया मेथीत आले लसून पेस्ट, मिरची कोथिंबीरीचे वाटण,हळद,लाल तीखट,मीठ, व त्यात मावेल एवढे डाळीचे पीठ घालून घटट पीठ भिजवा. मग मिश्रणाचे छोटे छोटे गोळे करून त्याची खोलगट वाट्या करून वाफवून घाव्या.

कुकर थंड झाल्यावर व खोलगट वाट्या गार झाल्यावर वाटया तेलामध्ये तळून घेतल्या. तळलेल्या बाट्या गरम मेथीच्या डाळीत घाला. वरून भरपूर कोथिंबीर घाला. पुन्हा एकदा लसूण व हिंगाची वरून खमंग फोडणी द्या. मेथीच्या वाट्या नुसत्या खायला सुद्धा सुंदर लागतात. जेवणात भाजी व आमटी दोन्हींचे काम होते. डाळ शिजत ठेवल्यामुळे आमटी छान दाट होते.