முருங்கை சாம்பார்

முதலில் துவரம் பருப்பை நன்கு கழுவி சிறிது நீர் விட்டு ஊற வைத்துக் கொள்ளவும் பத்து நிமிடம் வரை. ஊறிய பிறகு துவரம்பருப்பை மிக்ஸியில் போட்டு அரைத்து வைத்துக் கொள்ளவும்.

பிறகு ஒரு பாத்திரத்தில் அரைத்த துவரம் பருப்பை சேர்த்து அதனுடன் விளக்கெண்ணெய் 2 டீஸ்பூன், மஞ்சள் தூள், சீரகம், பூண்டு, நறுக்கிய சின்ன வெங்காயம், நறுக்கிய தக்காளி, தேவையான அளவு தண்ணீர் சேர்த்து வேக வைத்துக் கொள்ளவும்.

பருப்பு வேகும் நேரத்தில் இன்னொரு அடுப்பில் ஒரு வாணலியை வைத்து அதில் நறுக்கிய முருங்கைக்காயைசேர்த்து மல்லித்தூள் மிளகாய் தூள் சிறிது உப்பு ஒரு கப் தண்ணீர் சேர்த்து நன்று வேகவைத்துக் கொள்ளவும்.

பருப்பு வெந்த பிறகு புளி கரைசலை சேர்த்து கொதிக்க விடவும், வெந்த முருங்கைக் காயையும் சேர்த்து பச்சை வாசனை போகும் வரை யில் நன்கு கொதிக்கவிடவும். உப்பு காரம் பார்த்து சரிசெய்து கொள்ளவும்.

தாளிப்பதற்கு நெய், கடலை எண்ணெய் சேர்த்து காய்ந்ததும் சிறிது வெந்தயம், கடுகு சீரகம் பெருங்காயத்தூள் சின்ன வெங்காயம் கருவேப்பிலை ஒரு சிட்டிகை தூள் உப்பு சேர்த்து நன்று தாளித்துக் கொள்ளவும்.

இப்பொழுது இந்த தாளிப்பில் கொதித்துக் கொண்டிருக்கும் பருப்பு சாம்பாரை சேர்த்து மூடி போட்டு மூடி 2 நிமிடம் வரை வரை மிதமான சூட்டில் வைத்து அடுப்பை அணைத்து விடவும்.