கோழி கறி முட்டை கோலா (scotch egg)

ஒரு மிக்ஸி ஜாரில் பொட்டுக்கடலை, மிளகாய் தூள், மிளகு தூள், கரம் மசாலா, உப்பு சேர்த்து நைஸாக அரைத்துக் கொள்ளவும். இதில் கழுவிய சிக்கன் துண்டுகளை சேர்த்து நைசாக அரைக்கவும்.

அரைத்த சிக்கன் மசாலாவை ஒரு கிண்ணத்தில் மாற்றவும். இதில் பொடியாக நறுக்கிய வெங்காயம் மற்றும் பச்சை மிளகாய் மல்லி இலைகளை சேர்க்கவும். இஞ்சி பூண்டு விழுது மற்றும் எண்ணெய் சேர்த்து பிசைந்து கொள்ளவும்.

ஒரு கிண்ணத்தில் மைதா மாவு மற்றும் சோள மாவை சேர்த்து கலந்து விடவும். இதில் வேகவைத்த முட்டைகளை பிரட்டி ஒரு தட்டில் வைக்கவும்.

மீதமுள்ள மாவில் மிளகுத் தூள் உப்பு தேவையான அளவு தண்ணீர் சேர்த்து கெட்டியாக கரைத்துக் கொள்ளவும்.

உள்ளங்கைகளில் எண்ணை தடவி தேவையான அளவு சிக்கன் மசாலாவை சமமாக தட்டிக் கொள்ளவும். இதில் ஒரு முட்டையை வைத்து நன்கு உருட்டி கொள்ளவும்.

இதனை சோள மாவு கரைசலில் முக்கி எடுக்கவும். அதன்பின் பிரட் தூளில் பிரட்டிக் கொள்ளவும். இவ்வாறு அனைத்து முட்டைகளையும் தயார் செய்யவும்.

பொரிப்பதற்காக எண்ணெய் நன்கு சூடானதும், ஒவ்வொரு உருண்டையை சேர்த்து மிதமான தீயில் பொன்னிறமாக பொரித்து எடுக்கவும். அட்டகாசமான சுவையில் தயாராகியுள்ள இந்த கோழிக்கறி முட்டை கோலா சூடாக சாப்பிட சுவையாக இருக்கும்.