மொரு மொரு கோதுமை சமோசா 🤠🤠🤠

உருளைக்கிழங்கை வேக வைத்து எடுத்துக் கொள்ளவும்.

வெங்காயம் தக்காளியை அரிந்து எடுத்துக் கொள்ளவும்.

கோதுமை மாவுடன் ரவை கலந்து உப்பு சர்க்கரை சேர்த்து கலந்து கொள்ளவும்.

தேவையான அளவு தண்ணீர் ஊற்றி சப்பாத்தி மாவு பதத்திற்கு பிசைந்து கொள்ளவும்.

வாணலியில் எண்ணெய் ஊற்றி சீரகம் போட்டு தாளிக்கவும்.

அதனுடன் வெங்காயம் தக்காளியை சேர்த்து வதக்கவும்.

வதங்கியவுடன் இஞ்சி பூண்டு கலவை சேர்க்கவும்.

வதங்கியவுடன் மிளகாய் தூள் கரம் மசாலா சேர்க்கவும்.

நன்றாக பச்சை வாசனை போகும் வரை வதக்கவும்.

வேக வைத்த உருளைக்கிழங்கை மசித்து விடவும்.

தேவையான அளவு உப்பு சேர்க்கவும்.

கலவை நன்றாக கலக்கி வேகவிடவும். நன்றாக கலந்தவுடன் இறக்கிவிடவும்.

மாவை சப்பாத்தி போல தேய்த்துக் கொள்ளவும். கத்தி வைத்து இரண்டாக வெட்டவும்.

ஒரு பாதியை சமோசா போல முக்கோண வடிவத்தில் மடிக்கவும்.

அதனுள் உருளைக்கிழங்கு மசாலாவை வைத்து மூடவும்.

இதே போல அனைத்து சமோசாவையும் செய்யவும்.