செவ்வாழை கீ மைசூர்பாகு(Red banana Ghee Mysorepak)

ஒரு கடாயில் 100 கிராம் கடலை மாவை சேர்த்து அதனை நன்றாக வாசனை வரும் வரை வறுத்து வேறு ஒரு பாத்திரத்தில் மாற்றி எடுத்துக் கொள்ள வேண்டும்

அடுத்து 50 கிராம் நெய்யை நாம் வறுத்து வைத்துள்ள கடலை மாவில் சேர்த்து நன்றாக கட்டி விழாமல் கலந்து கொள்ள வேண்டும்

ஒரு பழுத்த செவ்வாழைப் பழத்தை தோல் உரித்து சிறிது சிறிதாக நறுக்கி மிக்ஸியில் சேர்த்து பேஸ்டாக அரைத்து எடுத்துக் கொள்ள வேண்டும்

அடுத்ததாக வேறு ஒரு கடாயில் 100 கிராம் சர்க்கரை சேர்த்து அதனுடன் ஒரு டம்ளர் தண்ணீரும் சேர்த்து சர்க்கரை தண்ணீரில் நன்றாகக் கரைந்து ஒரு கம்பி பதம் வரும் வரை பாகு ஆகும் வரை காய்ச்சி கொள்ள வேண்டும்

அடுத்து சர்க்கரை பாகில் நாம் நெய்யுடன் கலந்து வைத்துள்ள வறுத்த கடலை மாவு கலவையையும் கலந்து நன்றாக கட்டி விழாமல் கலந்து விட்டுக் கொண்டே இருக்கவேண்டும் ஒரு ஐந்து நிமிடத்தில் மாவு கெட்டியாக ஆரம்பிக்கும்

அந்த நேரத்தில் நாம் மீதம் வைத்துள்ள 50 கிராம் நெய்யை சிறிது சிறிதாக சேர்த்து கிளறி விட்டுக் கொண்டே இருக்கவேண்டும் நன்றாக கெட்டியாகும் வரை கிளறி விட்டுக் கொண்டே இருக்கவேண்டும் அடுப்பை மிதமான தீயில் வைக்க வேண்டும்

சர்க்கரைப்பாகு மாவு கலவை கெட்டியாக வந்ததும் அந்த சமயத்தில் நாம் அரைத்து வைத்துள்ள செவ்வாழைப்பழத்தை அதனுடன் சேர்த்து நன்றாக 5 நிமிடம் வரை கலந்து விட்டுக் கொண்டே இருக்க வேண்டும் கட்டி விழாமல் பார்த்துக் கொள்ள வேண்டும்..அவ்வளவுதான் அடுப்பை அணைத்து விடலாம் மிகவும் சுவையான செவ்வாழை மைசூர்பாகு தயார்... ஆறியதும் இதனை நாம் பிடித்த அளவிற்கு வெட்டி எடுத்துக் கொள்ளலாம்

அதற்கு ஒரு தட்டில் லேசாக நெய் தடவி எடுத்துக்கொள்ளலாம்

அடுத்து நாம் நெய் தடவி எடுத்துள்ள தட்டில் நாம் செய்து வைத்துள்ள செவ்வாழை மைசூர்பாகு கலவையை வைத்து மேலே கரண்டி கொண்டு சமமாக்கிக் கொள்ளலாம் ஒரு டேபிள்ஸ்பூன் நெய்யை மேல்புறத்தில் ஊற்றி தேய்த்து விட்டுக் கொள்ளலாம்

மேல்புறத்தில் நெய் சேர்த்து தடவி விட்டதும் அதனை ஒரு 15 நிமிடம் ஆற வைத்துக் கொள்ளலாம்

நன்றாக ஆறிய பிறகு அதனை நாம் வேறு ஒரு தட்டில் கவிழ்த்து மேலே உள்ள தட்டை தனியாக எடுத்துக்கொள்ளலாம் தட்டில் நெய் தடவி உள்ளதால் ஒட்டாமல் அழகாக வரும்

அடுத்து அதனை கத்திக்கொண்டு நாம் விரும்பிய வடிவத்தில் கட் செய்து கொள்ளலாம்