ஆர்காட் மக்கன் பேடா😋😋😋🧆🧆

பாத்திரத்தில் மைதா மாவு, பேக்கிங் சோடா சேர்த்து கலந்து கொள்ளவும். பிறகு அதில் சர்க்கரை சேர்க்காத கோவா, மற்றும் தயிர், வெண்ணெய் அல்லது நெய் சேர்த்து 5 நிமிடத்திற்கு அழுத்தி பிசையவும்.

பிசைந்த மாவை 10 நிமிடங்கள் ஊற வைக்கவும். சர்க்கரைப்பாகு செய்வதற்கு பாத்திரத்தில் சர்க்கரை மற்றும் தண்ணீர் சேர்த்து கலந்து மிதமான தீயில் வைத்து கொதிக்க விடவும்.

சர்க்கரை கரைந்ததும் மேலும் ஐந்து நிமிடங்கள் கொதிக்கவைத்து, இறுதியில் ஏலக்காய் சேர்த்து அடுப்பை அணைக்கவும்.

பிசைந்த மாவில் இருந்து சிறிதளவு எடுத்து உருண்டையாக உருட்டி பின் கட்டை விரல் வைத்து அழுத்தவும். பிறகு அதில் நறுக்கிய முந்திரி, பாதாம் பருப்புகளை வைத்து மூடி தட்டையாக தட்டி மிதமான தீயில் வைத்து பொன்னிறமாகும் வரை பொரித்தெடுக்கவும்.

பொரித்த உருண்டைகளை சர்க்கரைப் பாகில் சேர்த்து 2-3 மணி நேரம் ஊற வைக்கவும். (சர்க்கரைப்பாகில் சேர்க்கும் பொழுது சிறிதளவு சூடு படுத்திக் கொள்ளவும்)