நெய் மைசூர் பாக்(Ghee mysorepak recipe in tamil)

ஒரு நான்ஸ்டிக் கடாயில் கடலை மாவை சேர்த்து மிதமான தீயில் வைத்து வாசம் வரும் வரை சிறிது வறுக்கவும்

இதை நன்கு ஆறியதும் சலித்து ஒரு மிக்ஸிங் பௌலில் எடுத்துக் கொள்ளவும்

இதனுடன் 1\2கபஂ நெய்யை சேர்த்து மெது மெதுவாக கலந்து விட்டு கட்டிகளில்லாமல் ஒரே சீராக கரைத்துக் கொள்ளவும்.

அதே கடாயில் சீனியை சேர்த்து கால் கப் அளவு தண்ணீர் விட்டு, சீனி கரைந்து, நன்கு கொதிக்க விடவும்

இடையிடையே கிளறி கிளறி விட்டு ஒரு கம்பி பதம் (படத்தில் உள்ளது போல்) வரும் வரை வைக்கவும்

சரியாக ஒரு கம்பி பதம் வந்ததும் கரைத்து வைத்த கடலை மாவு நெய் கலவையை மெதுவாக ஊற்றி கிளறி கிளறி விடவும்

இப்போது அனைத்தும் ஒரு சேர கிளறி சிறிது வற்றி வரும் போது 1\4கப் அளவு நெய் ஊற்றவும்

மீண்டும் நன்கு கிளறி விட்டு, குறைந்த தணலில் கிண்டிக் கொண்டே இருக்கவும். இன்னும் சிறிது வற்றி வரும்போது மீதமுள்ள கால் கப் நெய்யை ஊற்றவும்.நன்கு சுருண்டு சிறிது கெட்டி பதம் வரும் வரை வைத்திருக்கவும்

ஒரு பிளேட்டில் ஒரு ஸ்பூன் நெய் விட்டு ஒரே சீராக தடவிக் கொள்ளவும். இப்போது அதனை தட்டில் மெதுவாக எடுத்து ஊற்றி பரவலாக ஊற்றவும்

இதனை 30 நிமிடங்கள் நன்கு ஆறவிடவும்

பிறகு கத்தியைக் கொண்டு துண்டுகள் போடவும்

சாப்டான நெய் மைசூர் பா தயார்