கடாய் சிக்கன் மசாலா

சிக்கனை நன்றாக சுத்தம் செய்து அதில் மஞ்சள் தூள் உப்பு தூள் இஞ்சி பூண்டு விழுது வரமிளகாய்த்தூள் எலுமிச்சைச் சாறு அனைத்தையும் சேர்த்து நன்கு அரை மணி நேரம் ஊறவைக்கவும்

சிக்கன் மசாலா தூள் செய்ய வெறும் கடாயில் வரமிளகாய் தனியா விதை சீரகம் பெருஞ்சீரகம் மிளகு சேர்த்து மிதமான சூட்டில் வதக்கி எடுத்துக்கொண்டு ஆறின பின் அதை அரைத்து கொண்டால் சிக்கன் மசாலா பொடி ரெடி ஒரு கடாயில் சிறிது எண்ணெய் ஊற்றி கொஞ்சம் வெங்காயம் இஞ்சி பூண்டு புதினா சேர்த்து வதக்கி எடுத்துக் கொண்டு அதில் ஊறிய முந்திரிப் பருப்பையும் சேர்த்து அரைத்துக் கொண்டால் வெங்காயம் முந்திரி விழுது ரெடி

வாணலியில் எண்ணெய் ஊற்றி லவங்கம் பட்டை கிராம்பு பிரிஞ்சி இலை சேர்த்து தாளித்து பின் வெங்காயம் தக்காளி புதினா கொத்தமல்லி சேர்த்து நன்கு வதக்கவும் பின் சிக்கனையும் அதில் சேர்த்து இரண்டு நிமிடம் நன்கு வதங்கியபின் அரைத்த சிக்கன் மசாலா தூளையும் சேர்த்து வதக்கவும் பின் அரைத்த வெங்காய முந்திரி விழுதையும் சேர்த்து நன்கு கிளறவும்

தேவைக்கேற்ப தண்ணீர் ஊற்றி மிதமான சூட்டில் 15 நிமிடம் வேகவைத்து விடவும்

நன்கு வெந்தவுடன் கொத்தமல்லி கருவேப்பிலை சேர்த்து இறக்கவும்