சேமியா கட் லெட்(பறவையின் கூடு)

உருளைக்கிழங்கை குக்கரில் வேக வைத்து மசித்துக் கொள்ளவும்.

மைதா மாவில் மிளகு தூள், உப்பு தூள் சேர்த்து கரைத்துக் கொள்ளவும்.

வாணலியில் எண்ணெய் 3 ஸ்பூன் விட்டு பச்சை மிளகாய், இஞ்சி, சோம்பு தூள் தாளித்து, மிளகாய் தூள்,கரம் மசாலா தூள், மாங்காய் பொடி சேர்த்து, தேவையான உப்பு, கொத்தமல்லி தழை சேர்த்து அதில் வேக வைத்துள்ள உருளைக்கிழங்கை சேர்த்து நன்றாக கலந்து ஆற விடவும்.

ஆறியதும் அதை உருண்டைகளாக பிடித்து நடுவில் அழுத்தி விடவும்.

இதனை மைதா கரைசலில் முக்கி எடுத்து தூள் செய்த சேமியாவில் புரட்டவும்.

எல்லா உருளைக்கிழங்கு உருண்டைகளையும் இது போல் செய்து வைத்துக் கொள்ளவும்.

அடுப்பில் வாணலியை வைத்து எண்ணெய் ஊற்றி காய்ந்ததும் இந்த கட்லெட்களை பொரித்து எடுக்கவும்.

வேக வைத்த பச்சை பட்டாணிகளை நடுவில் வைத்து தட்டில் அடுக்கவும்.

இது பார்ப்பதற்கு பறவையின் கூடு போல் குழந்தைகளை கவரும் விதமாக இருக்கும்.

தக்காளி சாஸூடன் சாப்பிட சுவையாக இருக்கும்