ரவா கேசரி கேக்

ஒரு நான் ஸ்ட்டிக் கடாயில் 3ஸ்பூன் நெய் ஊற்றி அதில் முந்திரி திராட்சை அகியவற்றை நன்கு சிவக்க வறுத்து எடுத்துக்கொள்ளவும். பின் மீதம் உள்ள நெய்யில் ரவையை நன்றாக கலர் மாறாமல் வறுத்து எடுத்து கொள்ளவும்.

பின்னர் கடாயில் 3கப் தண்ணீர் ஊற்றி அதில் சிட்டிகை உப்பு சேர்த்து நன்றாக கொதிக்க விடவும். தண்ணீர் நன்றாக கொதிக்கும் போது அடுப்பை மிதமான தீயில் வைத்து ரவையை சிறிது சிறிதாக சேர்த்து கட்டி படாமல் நன்றாக கிளறவும். பின்னர் ஒரு மூடி போட்டு 5நிமிடம் வேக விடவும். பின் சர்க்கரை சேர்த்து கிளறவும் அதனுடன் சிறிது தண்ணீரில் கரைத்து வைத்துள்ள புட் கலர் அல்லது சூடான பாலில் ஊற வைத்த குங்கும பூ சேர்த்து நனறாக கிளறவும்.

பின்னர் சிறிது ஏலக்காய் தூள் மற்றும் விரும்பிய அளவு நெய் சேர்த்து கடாயில் ஒட்டாமல் நன்றாக திரண்டு வரும் வரை கிளறவும். பின்னர் வறுத்து வைத்துள்ள முந்திரி திராட்சை சேர்த்து கிளறவும். பின்னர் ஒரு ரவுண்டு தட்டில் தாராளமாக நெய் தடவி அதன் மேல் கேசரியை கொட்டி சரி சமமாக தடவவும். 10 நிமிடம் அப்படியே விட்டு பின் அதை வேறு ஒரு தட்டுக்கு மாற்றி அதன் மேல் செர்ரி மற்றும் டூட்டி புருட்ட்டி கொண்டு அலங்கரிக்கவும். இப்பொது அருமையான ரவை கேசரி கேக் ரெடி.