தஹி சேமியா(தயிர் சேமியா)🍚

முதலில் மூன்று கப் தண்ணீரை ஒரு பாத்திரத்தில் கொதிக்க வைக்கவும். தண்ணீர் கொதித்தவுடன் அதில் ஒரு கப் சேமியாவை சேர்க்கவும். 2 நிமிடம் வேக விடவும். அடுப்பை நிறுத்தி சேமியாவை மூடி வைக்கவும். ஒரு இரண்டு நிமிடம் கழித்து சேமியாவை தண்ணீர் வடித்துக் கொள்ளவும். பிறகு சேமியா ஒன்றோடு ஒன்று ஒட்டிக்கொள்ளாமல் இருக்க ஒரு டம்ளர் பச்சைத் தண்ணீரை அதில் ஊற்றி தண்ணீரை வடித்துக்கொள்ளவும். இப்போது சேமியா தயார்.

ஒரு தாளிக்கும் கரண்டியில் ஒரு ஸ்பூன் நெய் சேர்த்து 8 முழு முந்திரி,15 உலர் திராட்சை சேர்த்து சிவக்க வறுத்துக்கொள்ளவும். அவற்றை தனியாக ஒரு தட்டில் எடுத்து வைத்து விட்டு கரண்டியில் உள்ள நெய்யுடன் ஒரு ஸ்பூன் எண்ணெய் சேர்த்து எண்ணை காய்ந்தவுடன் அதில் அரை ஸ்பூன்கடுகு, கால் ஸ்பூன் சீரகம், அரை ஸ்பூன்உளுத்தம்பருப்பு, அரை ஸ்பூன் கடலைப் பருப்பு,பொடியாக அரிந்த ஒரு பச்சை மிளகாய் மற்றும் பொடியாக அரிந்த கால் ஸ்பூன் இஞ்சி கொஞ்சம் கறிவேப்பிலை சேர்த்து தாளிக்கவும்.

தாலிப்புகளை கடைந்த தயிரில் சேர்க்கவும். தேவையான அளவு உப்பு சேர்த்து கரண்டியால் கலக்கவும். நெய்யில் வறுத்த முந்திரி திராட்சையை அதில் சேர்க்கவும்.

பிறகு காய்ச்சி ஆறவைத்த அரை கப் பாலை சேமியாவில் சேர்க்கவும் கலந்தபின் மாதுளை மற்றும் கொத்தமல்லித் தழை சேர்த்து கலந்து விடவும். நன்கு கலந்த பிறகு மூடி போட்டு ஒரு அரை மணி நேரம் ஃப்ரிட்ஜ்ஜில் வைக்கவும்.

அரை மணி நேரம் கழித்து பிரிட்ஜில் வைத்த தயிர் சேமியாவை வெளியில் எடுத்து கப்பில் போட்டு பரிமாறவும். வெயில் காலத்திற்கு ஏற்ற மிகச் சிறந்த உணவு. புரோட்டின் மற்றும் கால்சியம் நிறைந்த சத்தான உணவாகும்