தூதுவளை மிளகு வடை & ரொட்டி

ஒரு கப் தூதுவளையை சுத்தம் செய்து கழுவி எடுத்துக் கொள்ளவும், அதனுடன் ஒரு ஸ்பூன் மிளகு,சேர்த்து மிக்ஸியில் அரைத்துக் கொள்ளவும், தேவைப்பட்டால் லேசாக தண்ணீர் விட்டு, அரைக்கவும்..

ஒரு கப் பச்சரிசி மாவுடன், அரைத்த தூதுவளை பேஸ்ட், உப்பு, சேர்த்து கொஞ்சமாக தண்ணீர் சேர்த்து,கெட்டியாக பிசைந்து கொள்ளவும்..

மாவை சிறு சிறு உருண்டைகளாக,உருட்டி கொள்ளவும்,ஒரு கண்ணாடி பேப்பரில், எண்ணெய் தடவி,லேசாகத் தட்டிக் கொள்ளவும்..

ஒரு கடாயில் எண்ணெய் ஊற்றி,எண்ணெய் காய்ந்தவுடன், ஒவ்வொன்றாகப் போட்டு பொறித்து எடுக்கவும்..

இந்த மாவில்,ரொட்டியும் செய்யலாம்,அதற்கு மாவை பெரிய உருண்டைகளாக,உருட்டிக் கொள்ளவும், தோசைக்கல்லில் எண்ணெய் தடவி,மாவை ரொட்டியாக தட்டி,நல்லெண்ணெய் ஒரு ஸ்பூன் ஊற்றி இரண்டு பக்கமும் வேகவைத்து எடுக்கவும்..

தூதுவளை மிளகு வடை, மற்றும் ரொட்டி தயார்.. இதனுடன் இட்லி பொடி, சேர்த்து சாப்பிட்டால், சுவையாக இருக்கும்.