ஆரோக்கியமான பாதாம் ஓட்ஸ் குக்கீஸ்

தேவையான பொருட்களை தயாராக எடுத்துக் கொள்ளவும். ஒரு மிக்ஸிங் பவுலில் வெண்ணெய் சேர்க்கவும். சிறிது நேரம் இது பீட் செய்து மிருதுவாக்கி கொள்ளவும். அதன் பின் பொடித்த சர்க்கரை தூள் சேர்த்து பீட் செய்யவும்.

சர்க்கரை மற்றும் வெண்ணையின் நிறம் க்ரீம் நிறமாக மாறும் சமயத்தில்,எடுத்து வைத்துள்ள மற்ற பொருட்கள் அனைத்தையும் சேர்த்து அழுத்தம் கொடுக்காமல் ஒன்றாக உருட்டிக் கொள்ளவும். அதிகநேரம் பிசைய கூடாது. பிசைந்த கலவையை 15 நிமிடங்கள் ஃப்ரிட்ஜில் வைக்கவும்.

அதன்பின் 100 கிராம் அளவிற்கு உருண்டைகளாக பிடித்து வைக்கவும்.ஒவ்வொரு உருண்டையையும் பிஸ்கட் வடிவில் தயார் செய்து நடுவில் ஒரு பாதாம் பருப்பு வைத்து,பேக்கிங் ட்ரேயில் இடைவெளி விட்டு அடுக்கி வைக்கவும்.

இதனை ஓவனில் 170 டிகிரி சூட்டில் 25 நிமிடங்கள் பேக் செய்யவும். பேக் செய்த குக்கிகளை பத்து நிமிடங்கள் ஆற விட்டு ஒரு தட்டில் மாற்றிக் கொள்ளலாம்.

மிகவும் சுவையான மற்றும் மொறுமொறுப்பான குக்கீஸ் தயார் இதனை ஒரு மாதம் வரை காற்றுப்புகாத டப்பாவில் வைக்கலாம்.இந்த கிறிஸ்மஸ் பண்டிகைக்கு நீங்களும் தயார் செய்து உங்கள் நண்பர்களுடன் பகிர்ந்து கொண்டாடுங்கள். அனைவருக்கும் கிறிஸ்துமஸ் நல்வாழ்த்துக்கள்.

குறிப்பு: பாதாம் பருப்பு மாவை வீட்டில் தயாரிக்க அரை கப் வறுக்காத பாதாமை ஒரு தேக்கரண்டி சர்க்கரை சேர்த்து மிக்ஸியில் பொடித்துக் கொள்ளவும். இதிலிருந்து தேவையானதை குக்கிஸ் தயாரிக்க உபயோகித்துக்கொள்ளலாம்.