டியூனா மீன் தொக்கு🐟

முதலில் டியூனா மீனை சுத்தம் செய்து எடுத்துக் கொள்ளவும். பின் தேவையான பொருளை எடுத்துக் கொள்ளவும்.

அதில் ஒரு ஸ்பூன் மஞ்சள் தூள், ஒரு ஸ்பூன் இஞ்சி பூண்டு விழுது, அரைமூடி எலுமிச்சைச்சாறு சேர்க்கவும்.

அதோடு ஒரு ஸ்பூன் மிளகாய்தூள், ஒரு ஸ்பூன் உப்பு, சேர்த்து நன்றாக கிளறி ஊற வைக்கவும். பின் அடுப்பில் ஒரு கடாயை வைத்து எண்ணெய் ஊற்றவும்.

காய்ந்தவுடன் அரை ஸ்பூன் கடுகு,அரை ஸ்பூன் சோம்பு, தாளித்து கருவேப்பிலை போடவும்.

பச்சை மிளகாய், பெரிய வெங்காயம், தக்காளி, சேர்த்து நன்றாக வதக்கவும். பச்சை வாசனை போகும் வரை வதக்கவும்.

பின் டியூனா மீனை சேர்த்து சுருள வதக்கவும். பின் தேவையான அளவு தண்ணீர் ஊற்றி வேக விடவும். அடுப்பை அணைத்து கொத்தமல்லி தூவி இறக்கவும்.