🐟🐟 மண்சட்டி நெத்திலி மீன் குழம்பு🐟🐟

மண் சட்டியில் மீன் குழம்பு செய்தால் அதன் சுவையோ அபாரம்.

அடுப்பில் மண் சட்டியை வைத்து சூடானதும் அதில் 3 மேஜைக்கரண்டி அளவிற்கு எண்ணெய் சேர்த்துக் கொள்ளவும். பிறகு எண்ணெய் காய்ந்ததும் வெந்தயம் சேர்த்து பொன்னிறமாகும் வரை வறுக்கவும். நன்றாக சிவந்துவிடால் கசந்துவிடும்.

இதை அடுத்து வெங்காயம் சேர்த்து கண்ணாடி பதம் வரும் அளவிற்கு வதக்கவேண்டும். வெங்காயம் விரைவில் வழங்குவதற்கு சிறிதளவு உப்பை சேர்த்து கொள்ளலாம்.

(குறிப்பு: தக்காளி மற்றும் வெங்காயம் நன்றாக வதங்கினால் குழம்பில் சுவை கூடும்)

வெங்காயம் நன்றாக வதங்கிய பின்னர் பூண்டு மற்றும் கறிவேப்பிலை சேர்த்து கொள்ளவும். அதன் பின் பொடியாக நறுக்கி வைத்த தக்காளி சேர்த்து நன்றாக மசிய வதக்கவும்.

பிறகு புளிக்கரைசலில், தேவையான அளவிற்கு குழம்பு மிளகாய்த்தூள் சேர்த்து ஒன்றாக கரைத்து சட்டியில் சேர்க்கவும்.

புளி மற்றும் மிளகாய் தூள் கரைசலில் சேர்த்து பிறகு தேவையான அளவு உப்பு சேர்த்து குழம்பை கொதிக்க விடவும். (15 முதல் 20 நிமிடங்கள் வரை ஆகும்)

குழம்பு நன்றாகக் கொதித்து வந்த நிலையில் சுத்தம் செய்து வைத்துள்ள நெத்திலி மீன்களை சேர்த்து 2 நிமிடங்களில் அடுப்பை அனைத்து கொள்ளவும். மண்சட்டி என்பதால் நன்றாக சூடு இருக்கும் அதனால் இரண்டு நிமிடங்கள் போதுமானது.

தாளிப்பு கரண்டியில் 1 மேஜைக்கரண்டி எண்ணெய் ஊற்றி காய்ந்ததும், அதில் வடகம் சேர்த்து நிறம் மாறியதும் குழம்பில் சேர்த்துக் கொள்ளவும்.