முட்டை மசாலா

முதலில் முட்டையை எடுத்து தண்ணீரில் போட்டு அவித்து, தோல் உரித்து எடுத்துக் கொள்ளவும்.

பின்பு இரண்டு தக்காளி எடுத்து மிக்ஸியில் போட்டு நைஸாக அரைத்துக் கொள்ளவும். அதேபோல வெங்காயத்தை மிக்ஸியில் அரைத்துக் கொள்ளவும்.

அரைத்த விழுதுகளை தனியா பாத்திரத்தில் மாற்றவும். ஒரு கடாயில் எண்ணெய் ஊற்றி அரை ஸ்பூன் சோம்பு போடவும்.

அதோடு வெந்தயம்., கறிவேப்பிலை, பச்சை மிளகாய் போட்டு தாளிக்கவும்.

அரைத்த தக்காளியையும் வெங்காயத்தையும் அதில் சேர்த்து வதக்கி ஒரு ஸ்பூன் இஞ்சி பூண்டு பேஸ்ட் சேர்த்து வதக்கவும்.

தேவைக்கேற்ப உப்பு சேர்த்து சிறிதளவு மஞ்சள்தூள் போட்டு மல்லித்தூள் சேர்த்து வதக்கவும்

முட்டையை பாதியாக வெட்டி வைக்கவும். நன்றாக தண்ணி ஊற்றி வேக வைக்கவும்.

மிளகாய்த்தூள் சேர்த்து நன்றாகக் கொதிக்க விடவும்.
மசாலாவில் வெட்டி வைத்த முட்டையை போடவும். முட்டை உடையாமல் பிரட்டி விட்டு கொத்தமல்லி தூவவும்.

கடைசியாக இறக்கும் பக்குவத்தில் மிளகு சீரகம் நச்சு அதில் தூவி இறக்கவும். முட்டை மசால் ரெடி...