முட்டை சுக்கா(muttai sukka recipe in tamil)

ஒரு பாத்திரத்தில் நான்கு முட்டைகளை உடைத்து ஊற்றிக் கொள்ளவும். அதனுடன் உப்பு, மிளகுத்தூள் சேர்த்து நன்கு அடித்து வைத்துக் கொள்ளவும்.

ஒரு பாத்திரத்தில் சிறிதளவு எண்ணெய் ஊற்றி நன்கு தேய்த்து, அதில் கலக்கி வைத்துள்ள முட்டையை சேர்க்கவும். இட்லிப் பாத்திரத்தில் ஆவி வந்தவுடன் முட்டை ஊற்றி வைத்து உள்ள பாத்திரத்தை வைத்து 15 நிமிடம் வேகவிடவும்.

வாணலியில் எண்ணெய் ஊற்றி சீரகம் தாளித்து, வெங்காயம், தக்காளி, இஞ்சி பூண்டு பேஸ்ட் சேர்த்து நன்கு வதக்கவும். பின்னர் அதனுடன் உப்பு, கரம் மசாலாத்தூள், மிளகாய்த்தூள் சேர்த்து வதக்கவும். அரை கப் அளவு தண்ணீர் சேர்த்து கொதிக்கவிடவும்.

நன்கு கொதித்தவுடன் வேக வைத்து, வெட்டி வைத்துள்ள முட்டை துண்டுகளை இதனுடன் சேர்த்து புரட்டவும். ஐந்து நிமிடம் நன்றாக சுருள வதக்கவும். பின்னர் கொத்தமல்லி தழை தூவி, புரட்டி இறக்கவும்.