நாட்டுக்கோழி மருந்து குழம்பு

ஒரு கடாயில் நல்லெண்ணெய் ஊற்றி எண்ணெய் சூடானதும் அதில் ஒரு ஸ்பூன் சோம்பு சேர்த்து பொரிந்தவுடன் கருவேப்பிலை, சின்ன வெங்காயம் சேர்த்து நன்கு வதக்கவும். பின்னர் இஞ்சி பூண்டு விழுது சேர்த்து பச்சை வாசனை போகும் வரை வதக்கவும். பின் தக்காளி அதனுடன் குழம்புக்கு தேவையான உப்பு சேர்த்து தக்காளி நன்கு மசியும் வரை வதக்கவும். பின்னர் சுத்தம் செய்து வைத்துள்ள நாட்டு கோழியை சேர்த்து 5நிமிடம் வதக்கவும். பின்னர் அடுப்பை மிதமான தீயில் வைத்து கடாயை மூடி 15நிமிடம் கோழியை நன்கு வேக விடவும்.

முதலில் உள்ள படம் சதகுப்பை. 2 வது படம் வசம்பு 3 வது படத்தில் உள்ளது கண்டு புளி குச்சி அல்லது மோட்டு குச்சி.

மிக்சி ஜாரில் முதலில் சதகுப்பை, மோட்டுக்குச்சி, வசம்பு சேர்த்து நன்றாக பேஸ்ட்டாக அரைத்து கொண்டு பின் அதனுடன் தேங்காய் சேர்த்து அரைத்து கொள்ளவும். பின்னர் மிளகு, சோம்பு 1ஸ்பூன், கட்டி பெருங்காயம் அல்லது பெருங்காய தூள் 1/2ஸ்பூன், தோலுடன் பூண்டு சேர்த்து கொர கொரப்பாக அரைத்து கொள்ளவும்.

அரைத்த விழுதை ஒரு கிண்ணத்தில் எடுத்து கொண்டு அதனுடன் மிளகாய் தூள், மல்லி தூள், மஞ்சள் தூள் சேர்த்து குழம்புக்கு தேவையான தண்ணீர் சேர்த்து கரைத்து கொள்ளவும்.

கறி 3/4பாகம் வெந்த உடன் கரைத்து வைத்துள்ள மசாலா கலவையை கறியுடன் சேர்த்து கொதிக்க விடவும். ஒரு கொதி வந்தவுடன் உப்பு, காரம் சரி பார்த்து கொள்ளவும். இந்த குழம்பு ரசம் பதத்தில் இருக்கு வேண்டும். 15 நிமிடம் கொதிக்க விட்டு சூடான சாதத்தில் ஊற்றி சாப்பிடலாம்.

குறிப்பு : இக்குழம்பிற்கு இளம் கோழி பயன்படுத்த வேண்டும். வசம்பு மிகவும் குறைந்த அளவு (1பின்ச்) பயன்படுத்த வேண்டும். இக்குழம்பு உடம்பிற்க்கு பலம் தரும். ஜுரம் வந்தவர்கள் ஜுரம் சரியானவுடன் இக்குழம்பு வைத்து சாப்பிடடால் பழைய தெம்பு மீண்டும் வரும். குழந்தை பெற்ற தாய்க்கு ஏற்றது.