முருங்கை கீரை கோதுமை அடை

ஒரு கடாயில் சிறிது எண்ணெய் ஊற்றி சூடானதும் கடுகு, உளுந்து, சீரகம் சேர்த்து தாளித்து பின் பொடியாக நறுக்கிய வெங்காயம், பூண்டு, பச்சை மிளகாய் சேர்த்து நன்கு வதக்கவும்.

பின்னர் பொடியாக நறுக்கிய கருவேப்பிலை சேர்த்து வதக்கி பின் முருங்கை கீரை சேர்த்து அதனுடன் தேவையான உப்பு சேர்த்து நன்றாக வதக்கவும். விரும்பினால் சிறு சிறு துண்டுகளாக நறுக்கிய தேங்காய் சேர்த்து வதக்கிய உடன் அடுப்பை அனைத்து விடவும்.

பின் சூடான கடாயில் உள்ள கீரை உடன் கோதுமை மாவு சேர்த்து கிளறவும். பின் சிறிது சிறிதாக தண்ணீர் சேர்த்து அடை மாவு பதத்தில் கலந்து கொள்ளவும்.

பின்னர் ஒரு வாழை இலையை கழுவி அதில் கோதுமை மாவை தட்டி சூடான தோசை கல்லில் போட்டு 1நிமிடம் கழித்து இலையை எடுக்கவும். பின் தோசையின் மேல் நலெண்ணெய் ஊற்றி இருபுறமும் சுட்டு எடுக்கவும்.

இத்தோசைக்கு தேங்காய் சட்னி ஏற்றது. ஒரு இலையில் அனைத்து அடையையும் சுடலாம்.