உருளைக்கிழங்கு குருமா (Urulaikilanku kuruma recipe in tamil)

உருளைக்கிழங்கு கழுவி குக்கரில் 3 விசில் விட்டு வேகவிடவும்.தேங்காய் துருவல் எடுத்து வைக்கவும்.தக்காளி 2 தண்ணீரில் கொதிக்க விட்டு தோல் நீக்கி வைக்கவும்.

பெரிய வெங்காயம் 1 தோல் நீக்கி கழுவி நறுக்கி வைக்கவும்.இஞ்சி 1 துண்டு பூண்டு 5 பல்,சோம்பு 1 டீஸ்பூன்,உடைத்த முந்திரி 6,பட்டை 1,கிராம்பு 1,தனியா தூள் 1 1/2 டீஸ்பூன்,மஞ்சள் தூள் 1/2 டீஸ்பூன் மிளகாய் தூள் 1 டீஸ்பூன்,சீரகத்தூள் 1/2 டீஸ்பூன்,கரம் மசாலா தூள் 1 டீஸ்பூன் எடுத்து வைக்கவும்.

வெந்த உருளைக்கிழங்கை தோல் நீக்கி வைக்கவும். மிக்ஸி ஜாரில் தேங்காய் துருவல் 2 டேபிள் ஸ்பூன்,முந்திரி,இஞ்சி பூண்டு,சோம்பு,பட்டை, கிராம்பு பொட்டுக்கடலை,தனியாதூள்,கரம் மசாலாதூள்,சீரகத்தூள் மிளகாய் தூள் சேர்த்து வைக்கவும்.

அதை நைசாக அரைத்து வைக்கவும்.தக்காளி தோல் நீக்கி ஜூஸ் ஆக அரைத்து வைக்கவும்.

கடாயில் ஆயில் 3 டீஸ்பூன் விட்டு கடுகு 1 டீஸ்பூன், உளுந்து பருப்பு 1 டீஸ்பூன் கடலை பருப்பு 1 டீஸ்பூன் பொன்னிறமாக தாளித்து கறிவேப்பிலை சேர்க்கவும். நறுக்கிய வெங்காயம் சேர்த்து வதக்கி உப்பு அரைத்த தக்காளி ஜூஸ் சேர்க்கவும்.கொதிக்க விடவும்.

அரைத்த விழுதை சேர்க்கவும். கலக்கி கொதிக்க விட்டு பச்சை வாசனை நீங்கியவுடன் வெந்த உருளைக்கிழங்கை சேர்க்கவும்.

கொதிக்க விடவும்.சுவையான உருளைக்கிழங்கு குருமா ரெடி. சப்பாத்தி பூரிக்கு ஏற்றது. நறுக்கிய வெங்காயம் மிளகு தூள் உப்பு சேர்த்து கலக்கி குருமாவுடன் பரிமாறவும். 😋😋