ரவா கேக்

முதலில் ஒரு கடாயை எடுத்து 3ஸ்பூன் சர்க்கரை சேர்த்து, ஒரு ஸ்பூன் தண்ணீர் ஊற்றி கலர் மாறும் வரை கொதிக்க விடவும்.

பிறகு காய்ச்சாத பால் 250 மில்லியை கடாயில் ஊற்றி கொதிக்க விடவும்.கொதித்த பிறகு அதனுடன் 3 ஸ்பூன் ரவை சேர்த்து கட்டி இல்லாமல் 3 நிமிடங்கள் கிளறி விடவும்.

பிறகு சர்க்கரை சேர்த்து 2 நிமிடங்கள் கிளறி விட்டு இறக்கவும்.

பின்னர் ஒரு பௌலில் 3 ஸ்பூன் தயிர் சேர்த்து (தயிருக்கு மாற்றாக முட்டை சேர்த்து கொள்ளலாம்) நன்றாக கலந்து கொள்ளவும்.பிறகு அதில் நாம் கிளறி வைத்த பால் ரவை கலவையை இதில் சேர்த்து நன்றாக கலக்கவும். பிறகு வெண்ணிலா எசன்ஸ் சிறிதளவு ஊற்றி கலந்து கொள்ளவும்.

பின்னர் மற்றொரு கிண்ணத்தை எடுத்து அதை சுற்றிலும் நெய் தடவி அதில் சர்க்கரை கலவையை ஊற்றி,பிறகு தயிர் பால் ரவை கலவையே சேர்க்க வேண்டும்.

சேர்த்த பின்னர் இட்லி பாத்திரத்தத்தில் தண்ணீர் ஊற்றி அடுப்பில் வைத்து கொதித்ததும் அதில் ஒரு ஸ்டாண்டு வைத்து நாம் சேர்த்த கலவை கிண்ணத்தை உள்ளே வைத்து 25 நிமிடங்கள் குறைவான தீயில் வைத்து வேக வைக்க வேண்டும்

25 நிமிடங்கள் கழித்து எடுத்து கத்தியின் உதவியுடன் சுற்றிலும் எடுத்து விட்டு,தட்டில் தலை கீழாக கவிழ்த்தி, அதன் மேலே நறுக்கிய பிஸ்தா துண்டுகளையும்,டுட்டி ப்ரூட்டியையும் வைத்து அலங்கரித்து பரிமாறவும்.

சுவையான ரவா கேக் ரெடி.