மேகி மேஜிக் பன்னீர் மசாலா

பன்னீரை மற்றும் வெங்காயத்தை சதுரமாக வெட்டிக் கொள்ளவும். கடாயில் ஒரு மேஜைக்கரண்டி வெண்ணெய் சேர்த்து சூடானதும் பன்னீர் சேர்த்து ஒரு நிமிடம் வதக்கி எடுத்துக் கொள்ளவும்.

பின்பு வெங்காயத்தை சேர்த்து வதக்கி எடுத்துக் கொள்ளவும்.அதே கடாயில் 3 மேஜைக்கரண்டி எண்ணெய் சேர்த்து சூடானதும் பிரியாணி இலை சீரகம் சேர்த்து பொரிய விடவும். புரிந்ததும் அரைத்த வெங்காய விழுது சேர்த்து வதக்கவும்.

இஞ்சி பூண்டு விழுது மற்றும் கசூரி மேத்தி சேர்த்து நன்கு வதக்கவும்.இதில் மிளகாய்த்தூள், தனியாத்தூள், மஞ்சள்தூள், கரம் மசாலா மற்றும் உப்பு சேர்த்து வதக்கவும். வதங்கியதும் தக்காளி விழுது சேர்த்து வதக்கவும்.

மூடி போட்டு சிறு தீயில் எண்ணெய் பிரிந்து வரும் வரை வதக்கவும். அதன்பின் பன்னீர் வெங்காயத்தை சேர்த்து கலந்து விடவும்.

இதில் முந்திரி விழுது பிரஷ் கிரீம் மற்றும் மேகி மேஜிக் மசாலா சேர்த்து கலக்கவும்.

தண்ணீர் சேர்த்து மூடி போட்டு பத்து நிமிடங்கள் வேக விடவும்.வெண்ணெய் பிரிந்து வந்த பின் நறுக்கிய கொத்தமல்லி இலைகள் மற்றும் கீறிய பச்சை மிளகாய் சேர்த்து கலந்து அடுப்பை அணைக்கவும்.