மேகி நூடுல்ஸ் மிளகாய் பஜ்ஜி

ஒரு கடாயில் 2 டேபிள் ஸ்பூன் எண்ணெய் ஊற்றி அதில் பொடியாக நறுக்கிய பெரிய வெங்காயம் சேர்த்து வதக்கவும். பிறகு கேரட், பீன்ஸ் சேர்த்து வதக்கவும்.

வதங்கிய பிறகு தண்ணீர் சேர்த்து கொதித்த பிறகு மேகி மசாலா பொடி சேர்த்து மேகி நூடுல்சை போடவும். 3 நிமிடத்திற்கு வேகவைக்கவும்.

அடுத்தது ஒரு பாத்திரத்தில் கடலை மாவு, அரிசி மாவு, மிளகாய்த்தூள், சமையல் சோடா, உப்பு,கஸ்தூரி மேத்தி, மற்றும் 1பாக்கெட் மேகி மசாலா பொடி சேர்த்து தண்ணீர் ஊற்றி சரியான பதத்திற்கு கரைத்துக் கொள்ளவும்.

பிறகு மிளகாயை எடுத்து கொண்டு நடுவில் கீறி அதில் உள்ள விதைகளை எடுத்து விடவும். பிறகு அதனுள் செய்துவைத்த மேகி நூடுல்சை உள்ளே வைக்கவும்.

செய்த நூடுல்ஸ் மிளகாய் மாவில் முக்கி எண்ணெயில் போட்டு பொரிக்கவும். பொன்னிறமாகும் வரை பொரித்து எடுக்கவும்.