முருங்கைக்காய் சாம்பார்

ஒரு குக்கரில் பருப்பை நன்கு அலசி சேர்த்துக்கொள்ள வேண்டும். அதனுடன் 70 கிராம் சின்ன வெங்காயத்தை ஒன்று இரண்டாக நறுக்கி சேர்த்துக்கொள்ளவேண்டும். அதனுடன் பூண்டை நறுக்கி சேர்த்துக் கொள்ள வேண்டும். பிறகு சீரகம் சேர்த்துக் கொள்ள வேண்டும்.

அதன் பிறகு பெருங்காயம், மஞ்சள் தூள் மற்றும் 1/2 குழிகரண்டி எண்ணெய் சேர்த்துக்கொள்ள வேண்டும்.

பிறகு தேவையான அளவு தண்ணீர் சேர்த்து குக்கரை மூடி நான்கு முதல் ஐந்து விசில் வைத்துக்கொள்ள வேண்டும்.

அதன் பிறகு ஒரு வாணலியில் ஒரு குழி கரண்டி நல்லெண்ணெய் சேர்த்து எண்ணெய் சூடாக்கிய பின் கடுகு, கருவேப்பிலை மற்றும் பச்சை மிளகாய் சேர்த்து வதக்கிக் கொள்ள வேண்டும்.

பிறகு 80 கிராம் சின்ன வெங்காயத்தை நறுக்கி சேர்த்துக்கொள்ளவேண்டும். அதனுடன் தேவையான அளவு உப்பு மற்றும் முருங்கைக்காய் சேர்த்துக் கொள்ள வேண்டும்.

பிறகு தக்காளியை மிக்ஸியில் நன்கு அரைத்து சேர்த்துக் கொள்ள வேண்டும். அதனுடன் மல்லித் தூள் மற்றும் மிளகாய் தூள் சேர்த்து நன்கு கலந்து கொள்ள வேண்டும்.

காய் பாதி வெந்தவுடன் பருப்பை சேர்த்துக் கொள்ள வேண்டும். சாம்பார் நுரை பொங்கி காய் நன்கு வெந்தபிறகு சிறிதளவு கொத்தமல்லி தழை தூவி இறக்கவும்.

சாம்பார் பொடி ஏதுமில்லாமல் ஒரு வித்தியாசமான முருங்கைக்காய் சாம்பார் ருசிக்க தயார். இட்லி, தோசை, பொங்கல் மற்றும் சாதத்துடன் சாப்பிட நன்றாக இருக்கும்.