கத்திரிக்காய், முருங்கைக்காய் சாம்பார்

முதலில் ஒரு கடாயில் சிறிதளவு எண்ணெய் ஊற்றி சின்ன வெங்காயம் தக்காளி சேர்த்து நன்றாக வதக்கவும்

வெங்காயம் தக்காளி நன்றாக வதங்கியவுடன் பச்சைமிளகாய் சேர்த்து கேரட், முருங்கைக் காய் சேர்க்கவும்.

கத்திரிக்காய், உருளைக்கிழங்கு, மாங்காய் தேவையான காய்கறிகள் சேர்த்து நன்றாக வதக்கவும்

காய்கறிகள் லேசாக வதங்கியவுடன் மூடி போட்டு ஒரு 5 நிமிடம் வேக வைக்கவும். பின்பு காரத்திற்கு ஏற்ப வீட்டில் அரைத்த சாம்பார் பொடி சேர்த்து தேவையான அளவு தண்ணீர் ஊற்றி கொதிக்க விடவும்

தேவையான அளவு உப்பு சேர்த்து கொள்ளவும். தேவையான அளவு துவரம்பருப்பை குக்கரில் 2 விசில் விட்டு வேக வைத்து எடுத்துக் கொள்ளவும். காய்கறிகள் நன்றாக வெந்தவுடன் மசாலா வாடை போனவுடன் வேக வைத்த துவரம் பருப்பை சேர்த்து நன்றாக கொதிக்க விடவும்

தாளிக்க ஒரு கடாயில் சிறிதளவு எண்ணெய் ஊற்றி கடுகு உளுந்தம்பருப்பு சீரகம் சேர்த்து பொரிய விடவும்

மிளகாய் வற்றல் கறிவேப்பிலை கொத்தமல்லித் தழை சேர்த்து தாளித்து சாம்பாரில் சேர்க்கவும். சுவையான சாம்பார் ரெடி