பலாக்காய் சைவ கறி குழம்பு

பலாக்காயை தோல் சீவி சிறு சிறு துண்டுகளாக நறுக்கி தண்ணீர் ஊற்றி நன்கு வேக வைத்து எடுத்துக் கொள்ளவும்

மிக்ஸி ஜாரில் தேங்காய் துருவல் இஞ்சி பூண்டு சோம்பு கசகசா ஒரு சிறிய துண்டு பட்டை மல்லி தூள் மிளகாய் தூள் தேவையான அளவு உப்பு கொஞ்சம் தண்ணீர் சேர்த்து மைய அரைத்து வைக்கவும்

அடுப்பில் கடாயை வைத்து எண்ணெய் ஊற்றி பட்டை கிராம்பு பிரியாணி இலை கறிவேப்பிலை தாளித்து வெங்காயத்தை நீளவாக்கில் வெட்டி போட்டு வதக்கவும் பிறகு தக்காளியை சேர்த்து வதக்கவும் தக்காளி வதங்கியதும் அரைத்த தேங்காய் விழுதை போட்டு தேவையான அளவு தண்ணீர் ஊற்றி உப்பு சேர்த்து கொதிக்க விடவும்

குழம்பு கொதி வந்ததும் வேக வைத்த பலாக்காயை வேகவைத்த தண்ணீருடன் சேர்த்து ஊற்றி அடுப்பை மிதமாக வைத்து நன்கு கொதிக்க விடவும்

குழம்பு கட்டி பட்டதும் கொத்தமல்லி இலை தூவி இறக்கி விடவும் பலாக்காய் சைவ கறி குழம்பு ரெடி இந்த குருமா குழம்பு இட்லி தோசை சப்பாத்தி சாதத்திற்கு மிகவும் ருசியாக இருக்கும்