கல்யாண வீட்டு நெய் சோறு

முதலில் பாஸ்மதி அரிசியை 2 தண்ணீரில் கழுவி 20 நிமிடம் ஊறவைக்கவும். பிறகு ஒரு குக்கரை அடுப்பில் வைத்து நெய் சேர்த்து சூடானதும் பிரியாணி இலை, பட்டை, கிராம்பு, ஏலக்காய் சேர்த்து தாளிக்கவும். இதில் நீளமாக நறுக்கிய வெங்காயம் மற்றும் பச்சை மிளகாய் முந்திரி பருப்பு சேர்த்து வதக்கவும். வெங்காயம் வதங்கியதும் இஞ்சி-பூண்டு விழுது மற்றும் பெரிய துண்டுகளாக நறுக்கிய தக்காளி சேர்த்து வதக்கவும்.

தக்காளி குலையாமல் வதக்க வேண்டும். வதங்கிய பின் மல்லி இலை கள் மற்றும் புதினா இலைகளை சேர்த்து வதக்கவும். பிறகு தண்ணீர் சேர்த்து கொதிவந்ததும் பாஸ்மதி அரிசியை தண்ணீர் வடித்து குக்கரில் சேர்க்கவும். இறுதியில் உப்பு மற்றும் ஒரு தேக்கரண்டி நெய் சேர்த்து கலந்து விட்டு குக்கரை மூடி விடவும். விசில் போடும் இடத்தில் ஆவி வந்தபின் விசிலை போட்டு சிறு தீயில் 7 நிமிடம் வேகவைக்கவும் பிறகு அடுப்பை அணைக்கவும்.