மீன் முட்டை வறுவல்

முதலில் 250 கிராம் முட்டையை தண்ணீரில் முட்டை கொத்து கலையாமல் கழுவி கொள்ள வேண்டும். பின்னர் தண்ணீரை வடித்து விட்டு, கை விட்டு நன்கு பிசைந்து கொள்ள வேண்டும்.

பிசைந்த பிறகு, ஒரு கடாயில் ஒரு ஸ்பூன் எண்ணெய் ஊற்றி, எண்ணெய் காய்ந்ததும் கடுகு ஒரு ஸ்பூன் ஸ்பூன் சேர்த்துக் கொள்ள வேண்டும். கடுகு பொரிந்ததும் உளுத்தம் பருப்பு சேர்த்து பொன்னிறமாக வதக்கவும்.

வதக்கிய பின்னர் கறிவேப்பிலை, 6 பச்சை மிளகாய் சேர்த்து வதக்கவும்.

வதக்கியதும் 100 கிராம் சின்ன வெங்காயத்தை வட்டம் வடிவிலாக நறுக்கி அதனுடன் சேர்த்து கண்ணாடி பதத்திற்கு வதக்கவும்.

வதக்கியதும் பிசைந்து வைத்த மீன் முட்டையை ஊற்றி கொள்ளவும்.ஊற்றியதும் அடுப்பை மிதமான சூட்டில் வைத்து ஒரு நிமிடம் நன்கு கிளறி கொள்ள வேண்டும்.

கிளறிய பிறகு அதில் உப்பு தேவையான அளவு, ஒரு ஸ்பூன் மிளகாய் தூள், கரம் மசாலா சேர்த்து நன்கு கிளறி கொள்ளவும். (உப்பு அதிகமாக சேர்க்க கூடாது)

கிளறி பிறகு அடுப்பை கம்மியான தீயில் வைத்து 10 நிமிடம் வேக வைக்க வேண்டும். அதிக நேரம் வேகாமல் எடுத்து விட கூடாது. (அப்படி எடுத்தால் வயிற்று உபாதைகள் ஏற்படும்)

10 நிமிடங்கள் கழித்து அடுப்பை அணைத்து புதினா இலை, கொத்தமல்லி தழை தூவி இறக்கவும்.