...முட்டை பணியார கிரேவி

கலக்கிய முட்டைக்கு தனியாக வெங்காயமும் மசாலாவுக்கு தனியாக வெங்காயம் பொடியாக நறுக்கி எடுத்துக் கொண்டு ஒரு பாத்திரத்தில் முட்டையை உடைத்து ஊற்றவும். அடுப்பில் ஒரு கடாயை வைத்து எண்ணெய் ஊற்றவும்.

காய்ந்த உடன் கருவேப்பிலை, வெங்காயம், பச்சை மிளகாய், சேர்த்து வதக்கவும்.

வதக்கிய வெங்காயத்தை உப்பு சேர்த்து கலக்கி வைத்த முட்டையில் சேர்க்கவும்.

பின் அடுப்பில் பணியார கல் வைத்து எண்ணெய் ஊற்றவும். கலக்கிய முட்டையை பணியாரக் கல்லில் ஊற்றவும்.

முன்புறம் பின்புறமாக பிரட்டி பணியாரம் போல் எடுத்துக் கொள்ளவும்.

மற்றொரு கடாயை வைத்து எண்ணை ஊற்றி பட்டை, கிராம்பு, லவங்கம், சேர்த்து ஒரு கொத்து கொத்தமல்லி போடவும்.

பின் பூண்டு, பச்சை மிளகாய், வெங்காயம், சேர்த்து வதக்கவும்.

தக்காளி சேர்த்து தேவையான அளவு உப்பு போட்டு ஒரு ஸ்பூன் மஞ்சள்தூள் சேர்க்கவும்.

அதோடு மிளகாய்த்தூள், சோம்புத்தூள், கரம் மசாலாத்தூள், சேர்த்து வதக்கவும்.

தேவையான அளவு தண்ணீர் ஊற்றி கொதிக்க விடவும். அதில் பணியார முட்டையை சேர்க்க வேண்டும். அதை உடையாமல் கிண்டவும்.