கேரட் ஹல்வா

ஒரு அடிகனமான பாத்திரத்தை சூடாக்கி ஒரு டேபிள் ஸ்பூன் நெய் விட்டு முந்திரி பருப்பை சிவக்க வறுத்து எடுத்து வைக்கவும். அதே நெய்யில் பொடியாக்கிய கேரட்டை சேர்த்து மேலும் இரண்டு ஸ்பூன் நெய் விட்டு கேரட் வாசனை போகும் வரை நன்கு வதக்கவும். கால் கப் நீர் விட்டு 5 நிமிடம் வேகவிடவும்.

பால் பவுடரை சேர்த்து நன்கு கரையும் வரை வதக்கவும். பிறகு சர்க்கரையை சேர்த்து நீர் வற்றும் வரை கிளறிக் கொண்டே இருக்கவும். இடையிடையே சிறிது சிறிதாக நெய்யை சேர்த்துக் கொள்ளவும். நன்கு சுருண்டு வரும் வரை வதக்கவும். பிறகு வறுத்த முந்திரி, பொடியாக நறுக்கிய பாதாம் மற்றும் பிஸ்தாவை தூவி சூடாக பரிமாறவும்.