சந்திரகலா

முதலில் நெய்யை மைதா மாவுடன் சேர்த்து மிருதுவாக அழுத்தம் கொடுக்காமல் பிசைந்து எடுத்துக் கொள்ளவும். அப்போதுதான் மிருதுவாக வரும்.

பிளைன் கோவா உடன் ஏலக்காய் பவுடர்,சர்க்கரை ஒரு டேபிள்ஸ்பூன், கொஞ்சம் மிக்ஸ்டு நட்ஸ்,மைதா மாவு ஒரு டேபிள்ஸ்பூன் சேர்த்து நன்றாக பிசைந்து நீளவாக்கில் உருட்டிக் கொள்ளவும்.

பிசைந்து வைத்த மாவை சிறு உருண்டைகளாக பிரித்து எடுத்துக் கொள்ளவும். சப்பாத்தி கட்டையில் வட்டமாக உருட்டி கொள்ளவும். அதன்பின் கோவாவை உள்ளே வைத்து ஓரங்களை தண்ணீர் வைத்து ஒட்டிக் கொள்ளவும். பின் உள்பக்கமாக மாவை மடித்து விரல்களால் அமுக்கவும். இதேபோல் கடைசிவரை மடித்துக் கொள்ளவும்.

பொரித்து எடுக்கும் முன்பு சர்க்கரை பாகு தயார் செய்து கொள்ளவும்.சர்க்கரை பாகு செய்ய அரை கிலோ சர்க்கரை 200ml தண்ணீருடன் கலந்து அடுப்பில் வைத்து 5 நிமிடம் கொதிக்க விடவும். ஒரு கம்பி பதம் வந்தவுடன் சிகப்பு ஃபுட் கலர் சேர்த்து நன்றாக கலந்து விடவும். சிறிது ஏலக்காய் பொடி சேர்த்துக் கொள்ளவும்.