ઢોકળા ના લોટ માં એક વાટકી દહીં અને ૩ વાટકી પાણી નાખી એનો ખીરું બનાવો. હવે તેને ચાર-પાંચ કલાક માટે તડકે રાખી દો જેથી આથો સરસ આવી જાય છે. તેમાં ચાર પાંચ દાણા મેથીના ઉમેરો. આથો મુકવા માટે હંમેશા ઉભા ડબરા નો ઉપયોગ કરો જેથી ઊંડો હોવાથી આથો બહાર ના આવી જાય. હવે તેની અંદર મીઠું મરચાની ભૂકી હળદર આદુ મરચાની પેસ્ટ ઉમેરો.

જેટલો હાંડવો બનાવવો હોય એટલા બે ચમચા ખીરું લઇ તેની અંદર 1/4 ચમચી જેટલો ઇનો અથવા ખાવાનો સોડા નાખી અને એક્ટિવેટ કરવા માટે લીંબુનો રસ ઉમેરો સોડા એક્ટિવેટ થાય એટલે તમે ખૂબ જ ઝડપથી ગોળ હલાવો જેથી આપણું મિશ્રણ ફલફી થઇ જશે. હવે એક જાડા તળિયાવાળા લોયામાં રાઈ જીરું હિંગ મીઠો લીમડો તલ ઉમેરો. હવે તેની અંદર હાંડવાનું ખીરૂ રેડો.તમે જોશો કે વઘાર સાઈડમાં આવી ગયો હશે.

હવે તેની ઉપર થાળી ઢાંકી દો અને ત્રણ મિનિટ સુધી ચડવા દો ત્રણ મિનિટ પછી જોઈશું તો સાઇડમાંથી ખબર પડી જશે કે આપણા હાંડવો બરાબર ચડી ગયો છે બીજી સાઇડ બદલાવતા પહેલા ઉપર થોડું તેલ લગાવી દો અને પછી તવિતાથી ચારેબાજુ ઉખેડીને હાંડવાની બીજી બાજુ ફેરવી લેવો. ફરીથી થાળી ઢાંકીને બે મિનિટ ચડવા દો.તમે જોશો કે આપણા હાંડવો ખુબ જ સરસ રીતે ચડી ગયો છે અને સરસ મજાનો બ્રાઉન કલર બંને બાજુ આવી ગયો છે.

હવે તમે ડીશમાં કાઢી ચાર પીસ કરી સોસ સાથે ગરમાગરમ પીરસો.