முருங்கைக்காய் வேர்க்கடலை கறி /Drumstick peanut curry

முருங்கைக்காய் 5 கழுவி நறுக்கி 2 கப் தண்ணீர் ஊற்றி வேக வைக்கவும்.வேக வைத்து வடித்த தண்ணீர் எடுத்து வைக்கவும்.பெரிய வெங்காயம் 2 தோல் நீக்கி கழுவி நறுக்கி வைக்கவும்.தக்காளி 2 கழுவி நறுக்கி வைக்கவும்.முழு பூண்டு தோல் நீக்கி கழுவி தட்டி வைக்கவும்.தேங்காய் 1 மூடி பத்தையாக நறுக்கி வைக்கவும்.

வேர்க்கடலை 100 கிராம் தோல் நீக்கி மிக்ஸியில் கொரகொரப்பாக அரைத்து வைக்கவும்.தேங்காய் சிறிது தண்ணீர் சேர்த்து மிக்ஸியில் அரைத்த வைக்கவும்.

கடாயில் ஆயில் 2 டீஸ்பூன் ஊற்றி கடுகு 1 டீஸ்பூன் கருவேப்பிலை தாளித்து, தட்டி வைத்த பூண்டு வதக்கி நறுக்கிய தக்காளி,வெங்காயம் சேர்த்து வதக்கி,மஞ்சள் தூள் உப்பு சேர்த்து, வடித்து வைத்த முருங்கைக்காய் நீர் ஊற்றி 2 கொதி வந்ததும், சாம்பார் மிளகாய் தூள் 3 டீஸ்பூன் சேர்த்து வெந்த முருங்கைக்காய் அரைத்த தேங்காய் சேர்த்து நன்கு கொதிக்க விடவும்.கிளறி விடவும்.2 கொதி வந்ததும் பொடித்து வைத்த வேர்கடலை பொடியை தூவி கிளறி இறக்கவும்.சுவையான முருங்கைக்காய் வேர்க்கடலை கறி ரெடி.