மதிய உணவு முருங்கைக்காய் சாம்பார், சாதம், ரசம், வெண்டைக்காய் பொரியல்,புளி குழம்பு

பிரஷர் குக்கர்'ரில், தேவையான அளவு தண்ணீர், துவரம் பருப்பு போட்டு 3 விசில் வரும் வரை வேகவைக்கவும். பிறகு ஒரு கடாயில் நல்லெண்ணெய் ஊற்றி, கடுகு, சீரகம், வெந்தயம், பெரிய வெங்காயம், தக்காளி, காய்ந்த மிளகாய், சேர்த்து நன்கு வதக்கவும் வதங்கிய பிறகு முருங்கைக்காய் சேர்த்து 2 நிமிடத்திற்கு வதக்கவும். பிறகு வேக வைத்த துவரம்பருப்பை சேர்த்து அதில் சாம்பார் தூள், தேவையான அளவு உப்பு, மற்றும் புளிக்கரைசல் இதில் சிறிதளவு தண்ணீர் சேர்த்து 10 நிமிடம் கொதிக்கவிடவும். 10 நிமிடம் கழித்து கொத்தமால்லி இலை சேர்க்கவும்.

அடுத்தது கடாயில் எண்ணெய் ஊற்றி, இதில் நறுக்கிய வெண்டைக்காய் சேர்த்து 2 நிமிடம் வதக்கவும். 2 நிமிடம் கழித்து இதில் உப்பு சேர்த்து கிளறவும். இதை தனியாக எடுத்து வைக்கவும். பிறகு அதே கடாயில் எண்ணெய் ஊற்றி, கடுகு பொடியாக நறுக்கிய பெரிய வெங்காயம் சேர்த்து நன்கு வதக்கவும். வெங்காயம் வதங்கிய பிறகு தக்காளி சேர்த்து வதக்கவும். தக்காளி வதங்கியதும் மஞ்சத்தூள் மிளகாய்த்தூள் சாம்பார் தூள் சேர்த்து வதக்கவும். பிறகு வெண்டைக்காய் சேர்த்து வெண்டைக்காய் முழுமையாக வெந்ததும் இதில், தேங்காய் துருவல் சேர்த்து கிளறவும.

அடுத்தது ரசம் செய்ய:- வேகவைத்த தக்காளி, புளி,பருப்பு தண்ணீர் சேர்த்து நன்கு கரைத்துக் கொள்ளவும். பிறகு கல்லில் சீரகம்,முழு மிளகு, காய்ந்த மிளகாய், பூண்டு, இடித்து கொள்ளவும். பிறகு தாளிக்கும் கரண்டியில் எண்ணெய் ஊற்றி, அதில் கடுகு,கருவேப்பிலை, இடித்து வைத்ததை சேர்த்து வதக்கவும். ரசத்தை சேர்த்து கொதிக்க விடவும். ஒரு கொதி வந்ததும் கொத்தமல்லித்தழை சேர்த்து இறக்கவும்.