கத்திரிக்காய் சுட்டு பிசைந்த குழம்பு

கத்திரிக்காய் 2 கழுவி வைக்கவும்.தக்காளி 1 கழுவி பொடியாக நறுக்கி வைக்கவும் பச்சை மிளகாய் 1 நறுக்கி கழுவி விதை நீக்கி பொடியாக நறுக்கி வைக்கவும்.பெரிய வெங்காயம் 1 தோல் நீக்கி கழுவி பொடியாக நறுக்கி வைக்கவும். கத்திரிக்காய் எண்ணெய் தடவி அடுப்பை சிம்மில் வைத்து, (படத்தில் உள்ளது போல) மேலே வைக்கவும்.

திருப்பி வைத்து நன்கு கத்திரிக்காயை சுடவும்.சுட்ட கத்திரிக்காயை தண்ணீரில் போட்டு ஆறியவுடன் தோல் நீக்கி கழுவி வைக்கவும்.

பிரித்து பார்த்து சுத்தம் செய்து பிசைந்து வைக்கவும்.

புளி 1 சிறிய எலுமிச்சை அளவு ஊற விடவும்.கடாயில் ஆயில் 2 டேபிள் ஸ்பூன் ஊற்றி கடுகு 1 டீஸ்பூன்,உளுந்து பருப்பு 2 டீஸ்பூன்,கடலை பருப்பு 2 டீஸ்பூன் பெருங்காயம் கருவேப்பிலை சேர்த்து பொன்னிறமாக வறுக்கவும்.

நறுக்கிய பெரிய வெங்காயம் தக்காளி பச்சை மிளகாய் சேர்த்து வதக்கி மஞ்சள் தூள் 1/2 டீஸ்பூன்,மிளகாய் தூள் 1/2 டீஸ்பூன் சேர்த்து தண்ணீர் விட்டு கொதிக்க விடவும்.புளி தண்ணீர் 1/2 கப் சேர்க்கவும்.

பிசைந்து வைத்த கத்திரிக்காயை சேர்க்கவும். கலக்கி கிளறி விடவும். சுவையான கத்திரிக்காய் சுட்டு பிசைந்த குழம்பு ரெடி.அரிசி பருப்பு சாதம்க்கு தொட்டு சாப்பிட சுவையாக இருக்கும். தாளித்து செய்த பணியாரம்க்கும் ஏற்றது.😋😋